सशस्त्र प्रहरीद्वारा दशगजा नजिकबाट अवैध सामग्री बरामद

समाचार

गृहपृष्ठ
समाचार
सशस्त्र प्रहरीद्वारा दशगजा नजिकबाट अवैध सामग्री बरामद

सशस्त्र प्रहरीद्वारा दशगजा नजिकबाट अवैध सामग्री बरामद

बिहीबार, असोज २२, २०७७ बागेश्वरी पोस्ट

नेपालगञ्ज । सशस्त्र प्रहरी बाँकेले दशगजा नजिकबाट ९० हजार ४ सय रुपैयाँ बराबरको अवैध सामग्री बरामद गरेको छ ।

नेपालगञ्ज उपमहानगरपालिका वडा नम्बर १५ टंकपसेरीस्थित दशगजा नजिकबाट सशस्त्र प्रहरीले आज विहान १० बजे मोटरसाइकल पार्टस्, जुत्ता, पेन्ट, थान कपडा र खाद्यान्नका सामग्री बरामद गरेको हो ।

सशस्त्र प्रहरी नायब निरिक्षक कमल विक्रम रेउलेको कमाण्डमा खटिएको ७ जनाको मोबाइल गस्ती टोलीलाई देखेर अवैधरुपमा सामान ल्याउँदै गरेका व्यक्तिहरु सामान छोडेर भोगपछि ती सामग्री बरामद गरेर ल्याइएको सशस्त्र प्रहरी निरिक्षक जीवनलाल बुढाले जानकारी दिनुभयो ।

बरामद गरिएका सामग्री आवयश्क कारवाहीका लागि नेपालगञ्ज भन्सार कार्यालय पठाइएको छ ।

प्रकाशित मिति: बिहीबार, असोज २२, २०७७ १३:४८

प्रतिक्रिया दिनुहोस्