नेपालगञ्ज नगर प्रमुखलाई एकल महिलाहरुको ध्यानाकर्षण पत्र

समाचार

गृहपृष्ठ
समाचार
नेपालगञ्ज नगर प्रमुखलाई एकल महिलाहरुको ध्यानाकर्षण पत्र

नेपालगञ्ज नगर प्रमुखलाई एकल महिलाहरुको ध्यानाकर्षण पत्र

बिहीबार, असोज २२, २०७७ बागेश्वरी पोस्ट

नेपालगञ्ज । नेपालगञ्ज उपमहानरपालिकाको वडा नम्बर १ ले एकल महिलाहरुको भावनामा चोट पु¥याएको भन्दै द्वन्दपीडित एकल महिलाहरुले नगर प्रमुखको ध्यानाकर्षण गराएका छन् । द्वन्दपीडित तथा एकल महिला संजाल बाँकेले आज नेपालगंज उपमहानगरपालिका नगरप्रमुख डा. धवल शम्सेर राणालाई ज्ञापनपत्र बुझाएको हो ।

द्वन्दपीडित तथा एकल महिला संजाल बाँकेकी अध्यक्ष जयन्ति केसी र संस्थापक अध्यक्ष तथा केन्द्रिय उपाध्यक्ष शोभा विसीद्वारा हस्ताक्षरित ज्ञापनपत्रमा नेपालगंज उपमहानगरपालिका १ नम्बर वडा कार्यालयले सामाजिक सुरक्षा भत्ता अन्तर्गत् विधवा भत्ताका लागि आवेदन दिनुभएका र आवेदन दिनुहुने सम्पूर्ण एकल महिलाहरुले अर्को विवाह नगरेको प्रमाणित प्रतिलिपी, सामाजिक सुरक्षा भत्ता निवेदन पेश गर्दा अनिवार्य पेश गर्नको लागि सार्वजनिक सूचनामार्फत् अनुरोध गरेकोमा गम्भीर ध्यानाकर्षण भएको उल्लेख गरिएको छ ।

सूचना सार्वजनिकताले सम्पूर्ण एकल महिलाहरु मर्माहित भएको र निजहरुको आत्मसम्मानमा पनि गहिरो चोट पुगेको ठहर गर्दै सो ब्यवस्थालाई खारेज गरी सामाजिक सुरक्षा ऐन एकल महिला मैत्री संशोधनका लागि पहल गर्न पनि ज्ञापनपत्रमा अनुरोध गरिएको छ । अध्यक्ष केसी र संस्थापक अध्यक्ष बिसीले नगर प्रमुख राणालाई ज्ञापनपत्र बुझाउँदै एकल महिलाको भत्ताको सहज उपलव्धताको व्यवस्था गर्न माग गर्नुभयो ।

नगर प्रमुख राणाले ध्यानाकर्र्षण पत्रको मर्म केन्द्रिय सरकार समक्ष पु¥याउने प्रतिवद्धता व्यक्त गर्नुभयो । पछिल्लो समयमा सामाजिक सुरक्षा ऐन २०७५ संशोधनको प्रक्रियामा रहेको र तत्कालीन अवस्थामा राज्यले ६० वर्ष मुनिका एकल महिलाहरुलाई पनि असहाय भत्ता स्वरुप निरन्तर प्रदान गरिरहेकोमा अहिले केही स्थानीय तहले सूचना सार्वजनिक गरेर एकल महिलाको भावनामाथि प्रहार गरेको बताइएको छ । यो आवाज देशव्यापी उठ्दैछ ।

प्रकाशित मिति: बिहीबार, असोज २२, २०७७ १९:५४

प्रतिक्रिया दिनुहोस्