बाँकेमा बढ्दै मृत्युको श्रृंखला, कोरानाबाट गएराति थप दुई जनाको मृत्यु

समाचार

गृहपृष्ठ
समाचार
बाँकेमा बढ्दै मृत्युको श्रृंखला, कोरानाबाट गएराति थप दुई जनाको मृत्यु

बाँकेमा बढ्दै मृत्युको श्रृंखला, कोरानाबाट गएराति थप दुई जनाको मृत्यु

शनिबार, असोज २४, २०७७ बागेश्वरी पोस्ट

सांंकेतिक तस्बिर

नेपालगञ्ज । बाँकेमा गएराति थप दुई जना कोरोना संक्रमितको मृत्यु भएको छ ।

बाँकेका एक जना पुरुष र दाङका एक किशोरको उपचारका क्रममा मृत्यु भएको हो । कोहलपुर नगरपालिका वडा नम्बर ९ पिपरीका ३८ बर्षीय पुरुषको गएराति ११ बजे भेरी अस्पताल नेपालगञ्जमा उपचारका क्रममा मृत्यु भएको हो । असोज १३ गते उनलाई कोरोना पुष्टि भएको थियो ।

त्यस्तै नेपालगञ्ज मेडिकल कलेज कोहलपुरमा उपचाररत दाङका कोरोना संक्रमित बालकको पनि गएराति साढे ८ बजे मृत्यु भएको छ । दाङको घोराही उपमहानगरपालिका वडा नम्बर ३ गोग्लीका १५ बर्षीय किशोरको उपचारका क्रममा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । उनलाई असोज १९ गते कोरोना पुष्टि भएको थियो ।

यो संगै बाँकेमा कोरोनाबाट मृत्यु हुनेको संख्या २४ पुगेको छ भने बाहिरी जिल्लाबाट उपचारका लागि आएका १२ जना कोरोना संक्रमितको मृत्यु भएको छ ।

प्रकाशित मिति: शनिबार, असोज २४, २०७७ ०६:११

प्रतिक्रिया दिनुहोस्