दाङको लमहीमा ट्रकले ठक्कर दिदा पैदल यात्रुको मृत्यु

समाचार

गृहपृष्ठ
समाचार
दाङको लमहीमा ट्रकले ठक्कर दिदा पैदल यात्रुको मृत्यु

दाङको लमहीमा ट्रकले ठक्कर दिदा पैदल यात्रुको मृत्यु

मंगलबार, कात्तिक २६, २०७६ बागेश्वरी पोस्ट

फाइल फोटो

लमही ( दाङ )।दाङमा एक पैदल यात्रुको ट्रकको ठक्करवाट मृत्यु भएको छ । लमही नगरपालिका वडा नं ४ अर्नहवा निवासी ३० बर्षीय मोहमद रफिक मुसलमानको उपचारका क्रममा कोहलपुरमा मृत्यु भएको छ । पूर्व पश्चिम राजमार्ग अन्तरगत लमही नगरपालिका वडा नं ५ स्थित सुनखोली नजिकै मुुसलमानलाई ट्रकले ठक्कर दिएको थियो । गम्भीर घाइते मुसलमानलाई स्थानीय अस्पतालको उपचारपछि थप उपचारको लागि बाँकेको कोहलपुर ल्याइएकोमा त्यही मृत्यु भएको प्रहरीले बताएको छ । ठेलामा चटपटे लिएर विक्रि गर्नको लागि बजार तर्फ जाँदै गरेको समयमा मुसलमानलाई लु २ ख १३७६ नम्वरको ट्रकले मंगलवार विहान ८ बजेतिर ठक्कर दिएको वडा प्रहरी कार्यालय लमहीका प्रमुख प्रहरी निरिक्षक प्रज्वल थपलियाले जानकारी दिए । ठक्कर दिने ट्रक र चालकलाई नियन्त्रणमा लिएको प्रहरीले बताएको छ ।

प्रकाशित मिति: मंगलबार, कात्तिक २६, २०७६ १७:५६

प्रतिक्रिया दिनुहोस्