संक्रमण दिनदिनै बढिरहेकाले पुनः लकडाउन हुन सक्छ !

राजनीति

गृहपृष्ठ
राजनीति
संक्रमण दिनदिनै बढिरहेकाले पुनः लकडाउन हुन सक्छ !

संक्रमण दिनदिनै बढिरहेकाले पुनः लकडाउन हुन सक्छ !

आइतबार, असोज २५, २०७७ बागेश्वरी पोस्ट

सरकारका प्रवक्ता एवम् परराष्ट्रमन्त्री प्रदीप ज्ञवाली

नेपालगन्ज । कोरोना भाइरसको संक्रमण दिनदिनै बढिरहेकाले सरकारले पुनः लकडाउन गर्ने संकेत गरेको छ ।

आइतबार मन्त्रिपरिषदको निर्णय सार्वजनिक गर्न आयोजित नियमित पत्रकार सम्मेलनमा सरकारका प्रवक्ता एवं परराष्ट्रमन्त्री प्रदीप ज्ञवालीले कोरोना भाइरसको संक्रमण नियन्त्रणमा नआए लकडाउन हुनसक्ने बताएका हुन् ।

मन्त्री प्रदीप ज्ञवालीले बारम्बारको अपिलले काम नगरे कडा कदम चाल्नुपर्ने अवस्था आउन सक्ने बताएका छन् ।

अहिलेको अवस्थामा लकडाउन र निषेधाज्ञा गर्ने कुरा सरकारको प्राथमिकतामा नरहेको भन्दै उनले नागरिक संवेदनशील नभए लकडाउन गर्न सरकार बाध्य हुने बताए ।

चाडबाडको समयमा नागरिक सचेत भए लकडाउन गर्ने अवस्था नआउने उनको भनाइ छ । लकडाउन गर्नेरनगर्ने कुरा सरकारी आग्रह र अपिलहरु नागरिकले कति पालना गरिरहेका छन् भन्ने कुरामा भर पर्ने उनको भनाई छ ।

प्रकाशित मिति: आइतबार, असोज २५, २०७७ १९:५२

प्रतिक्रिया दिनुहोस्