बालविवाह रोकथामका लागि पत्रकारको भूमिका विषयक कार्यशाला गोष्ठी

समाचार

गृहपृष्ठ
समाचार
बालविवाह रोकथामका लागि पत्रकारको भूमिका विषयक कार्यशाला गोष्ठी

बालविवाह रोकथामका लागि पत्रकारको भूमिका विषयक कार्यशाला गोष्ठी

सोमबार, असोज २६, २०७७ बागेश्वरी पोस्ट

कार्यशालामा सहजीकरण गर्दै भिम अवस्थी

नेपालगञ्ज । बालविवाह रोकथामका लागि पत्रकारको भूमिका विषयक कार्यशाला गोष्ठी नेपालगञ्जमा शुरु भएको छ ।

प्लान इन्टरनेशनल नेपालको सहयोग तथा सामाजिक सरोकार सचेतन मञ्च (स्याक) नेपालको आयोजनामा आजदेखि शुरु भएको दुई दिने कार्यशालामा बालविवाह रोकथाममा सञ्चार माध्यम तथा सञ्चारकर्मीको आवश्यकता तथा भूमिका, बालबालिकासंगको व्यवहार तथा बाल संरक्षणको माध्यमबाट समाचार लेख्दा अपनाउनुपर्ने आचारसंहिता, बालबालिकासंगको व्यवहार तथा बाल संरक्षणको माध्यमबाट समाचार लेख्दा अपनाउनुपर्ने आचारसंहिता, बालविवाह मुक्त घोषणामा सञ्चार जगतको आवश्यकता तथा भूमिका, स्थानीय सरकारसंग हुनुपर्ने बाल संरक्षण सम्वन्धि संयन्त्र लगायतका विषयमा कार्यशालामा छलफल हुने स्याक नेपालका बालविवाह रोकथाम परियोजना प्रबन्धक जगदिश थापाले बताउनुभयो ।

अनलाइन र रेडियोका २५ जना पत्रकार सहभागी कार्यशालामा बाल अधिकारकर्मी भिम अवस्थी र पत्रकार रुद्र सुवेदीले सहजीकरण गरिरहनुभएको छ । बालविवाह रोकथामबारे सञ्चारकर्मीहरुको भूमिका थप प्रभावकारी बनाउन र स्थानीय तहमा बालसंरक्षण संयन्त्र सुदृढीकरण तथा सञ्चार क्षेत्रको भूमिकाबारे कार्ययोजना बनाउने उद्देश्यले कार्यशाला गरिएको प्रबन्धक थापाले बताउनुभयो ।

कोभिडको अवस्थालाई ध्यान दिँदै दुई वटा छुट्टाछुट्टै समूह बनाएर कार्यशाला सञ्चालन भइरहेको परियोजनाकी फिल्ड सुपरभाइजर अर्मिला रोकायले जानकारी दिनुभयो ।

प्रकाशित मिति: सोमबार, असोज २६, २०७७ १४:०७

प्रतिक्रिया दिनुहोस्