नेपाल प्रहरी र सशस्त्र प्रहरीको सहकार्यमा नेपालगन्जको जमुनहामा सुरु भयो हेल्पडेस्क

समाचार

गृहपृष्ठ
समाचार
नेपाल प्रहरी र सशस्त्र प्रहरीको सहकार्यमा नेपालगन्जको जमुनहामा सुरु भयो हेल्पडेस्क

नेपाल प्रहरी र सशस्त्र प्रहरीको सहकार्यमा नेपालगन्जको जमुनहामा सुरु भयो हेल्पडेस्क

सोमबार, असोज २६, २०७७ बागेश्वरी पोस्ट

नेपालगन्ज । नेपालगन्जको सिमा नाका जमुनहामा नेपाल प्रहरी र सशस्त्र प्रहरीको सहकार्यमा आज नागरिक सहायता कक्ष (सिटिजन हेल्प डेस्क) स्थापना गरेको छ ।

नजिकिएका चाडपर्वहरुलाई लक्षित गरी नागरिक सहायता कक्षहरु स्थापना गर्न सुरु गरिएको हो । सहायता कक्षको जिल्ला प्रहरी कार्यालय बाँकेका प्रमुख प्रहरी उपरिक्षक ओमबहादुर रानाले एक कार्यक्रमका वीच उद्घाटन गर्नुभयो । चाडपर्व मनाउन भारतबाट फर्किने नागरिकहरुको सहजताका लागि सहायता कक्ष स्थापना गरिएको प्रहरी उपरिक्षक रानाले बताउनुभयो ।

उद्घाटन कार्यक्रममा सशस्त्र प्रहरी जमुनहा भान्सार बिओपीका प्रमुख सशस्त्र प्रहरी निरीक्षक जिबनलाल बुढा, ईलाका प्रहरी कार्यालय जमुनहाका प्रहरी नायब निरीक्षक बिष्णु गिरी, जमुनहा भन्सार बिओपीका सशस्त्र प्रहरी सहायक निरीक्षक सन्तोष कुमार शर्मा, पत्रकार लगायत अन्य ब्यक्तीहरुको उपस्थिति रहेको थियो।

त्यस्तै जिल्ला ट्राफिक प्रहरी कार्यालयसँगको सहकार्यमा जिल्लाका विभिन्न आठ स्थानमा नागरिक सहायता कक्ष स्थापना गरिने बाँके प्रहरीले जनाएको छ ।

प्रकाशित मिति: सोमबार, असोज २६, २०७७ १८:०९

प्रतिक्रिया दिनुहोस्