नेपालगन्जमा आजदेखि सुरु भयो नेपाल प्रहरीको मोटरसाइकल क्यूआरटी

समाचार

गृहपृष्ठ
समाचार
नेपालगन्जमा आजदेखि सुरु भयो नेपाल प्रहरीको मोटरसाइकल क्यूआरटी

नेपालगन्जमा आजदेखि सुरु भयो नेपाल प्रहरीको मोटरसाइकल क्यूआरटी

सोमबार, असोज २६, २०७७ बागेश्वरी पोस्ट

नेपालगन्ज । बाँकेमा नेपाल प्रहरीले क्यूआरटी टोली परिचालन गरेको छ। जिल्ला प्रहरी बाँकेका प्रहरी उपरीक्षक ओम बहादुर रानाको उपस्थितिमा आज नेपालगन्जको धम्बोझी चोकबाट १६ वटा मोटरसाइकलसहितको क्यूआरटी टोली परिचालन भएको हो।

चाडपर्वको समयमा हुन सक्ने झैंझगडा, चोरी, डकैती, लुटपाट, जुवातास, मादक पदार्थ सेवन लगायतका क्रियाकलापलाई लक्षित गरी जिल्लामा विशेष सुरक्षा योजना अन्तर्गत जिल्ला प्रहरी बाँकेले आजदेखि १६ वटा मोटरसाइकलमा क्यूआरटी टोली बनाएको हो।

कतिपय घटनास्थलमा गाडीसमेत जान नसक्ने हुँदा यो क्यूआरटी टोली मोटरसाइकलमा सजिलै पुग्न सक्ने भएकाले अपराध नियन्त्रण र उद्दारमा समेत सहज हुने जिल्ला प्रहरी बाँकेले जानकारी दिएको छ।

त्यस्तै बाँकेका अन्य स्थानमा गएर ३० वटा मोटरसाइकलसहितको क्यूआरटी टोली खडा गर्ने जिल्ला प्रहरी कार्यालय बाँकेले जानकारी दिएको छ।

प्रकाशित मिति: सोमबार, असोज २६, २०७७ १८:३७

प्रतिक्रिया दिनुहोस्