नवनियुक्त तीन जना मन्त्रीले लिए सपथ

राजनीति

गृहपृष्ठ
राजनीति
नवनियुक्त तीन जना मन्त्रीले लिए सपथ

नवनियुक्त तीन जना मन्त्रीले लिए सपथ

बिहीबार, असोज २९, २०७७ बागेश्वरी पोस्ट

नेपालगन्ज । नवनियुक्त मन्त्रीहरूले राष्ट्रपति विद्यादेवी भण्डारीसमक्ष पद तथा गोपनीयताको शपथ लिएका छन् । राष्ट्रपति कार्यालय शीतलनिवासमा बिहीवार आयोजित विशेष समारोहका बीच नवनियुक्त मन्त्रीहरूले शपथ लिएका हुन् ।

प्रधानमन्त्रीको सिफारिसमा राष्ट्रपति विद्या भण्डारीले अर्थमन्त्री विष्णु पौडेल, शहरी विकासमन्त्री कृष्ण गोपाल श्रेष्ठ र महिला, बालबालिका तथा ज्येष्ठ नागरिक मन्त्री लिलानाथ श्रेष्ठलाई पद तथा गोपनियताको शपथ ग्रहण गराएकी हुन् ।

शपथ ग्रहण समारोहमा उपराष्ट्रपति नन्दबहादुर पुन, प्रधानमन्त्री ओली, सभामुख अग्नि सापकोटा, राष्ट्रिय सभा अध्यक्ष गणेश तिमल्सिना लगायत उपस्थित थिए ।

आजको सपथग्रहण कार्यक्रममा नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल र झलनाथ खनाल उपस्थित भएनन् ।

नेता खनाल स्वास्थ्य समस्याका कारण अस्पताल भर्ना भएका छन् । भने प्रचण्ड र नेपालले प्रधानमन्त्री ओलीले एकलौटी रुपमा मन्त्रिमण्डल विस्तार गरेको भन्दै असन्तुष्टी जनाएका छन् ।

प्रकाशित मिति: बिहीबार, असोज २९, २०७७ १३:१३

प्रतिक्रिया दिनुहोस्