नवनियुक्त मन्त्रीहरुले सिंहदरबारस्थित कार्यकक्षमा गएर कार्यभार सम्हाले

राजनीति

गृहपृष्ठ
राजनीति
नवनियुक्त मन्त्रीहरुले सिंहदरबारस्थित कार्यकक्षमा गएर कार्यभार सम्हाले

नवनियुक्त मन्त्रीहरुले सिंहदरबारस्थित कार्यकक्षमा गएर कार्यभार सम्हाले

विश्व बैंकसँग २० करोड डलर ऋण लिने

बिहीबार, असोज २९, २०७७ बागेश्वरी पोस्ट

अर्थमन्त्री विष्णु पौडेल

नेपालगन्ज । अर्थमन्त्री विष्णु पौडेल लगायत नवनियुक्त मन्त्रीहरूले सिंहदरबारमा कार्यभार सम्हालेका छन् । राष्ट्रपति भवन शीतल निवासमा पद तथा गोपनीयताको शपथ लिए लगत्तै मन्त्रीहरूले सिंहदरबारस्थित कार्यकक्षमा गएर कार्यभार सम्हालेका हुन् ।

निवर्तमान अर्थमन्त्री डा. युवराज खतिवडाले राजीनामा गरेको ४० दिनपछि देशले नयाँ अर्थमन्त्री पाएको छ । खतिवडाले भदौ १९ गते राजीनामा गरेका थिए । खतिवडाको राजीनामापछि प्रधानमन्त्री केपी शर्मा ओलीले अर्थ मन्त्रालय आफैँले राखेका थिए ।

विश्व बैंकसँग २० करोड डलर ऋण लिने
नवनियुक्त अर्थमन्त्री पौडेलले विश्व बैंकसँग २० करोड डलर ऋण लिने घोषणा गरेका छन् ।

आज पद तथा गोपनीयताको सपथ लिएपछि मन्त्रालयमा कार्यभार सम्हाल्दै मन्त्री पौडेलले कोरोना भाइरसको महामारीले थला परेको नेपालको अर्थतन्त्र उकास्न २० करोड डलर ऋण लिने बताएका हुन् ।

मन्त्री पौडेलले २० करोड डलर ऋण लिने समझौतापत्रमा हस्ताक्षर गरेका छन् । उनले उक्त रकम कोरोना भाइरस नियन्त्रणमा खर्च गर्ने बताए ।

प्रकाशित मिति: बिहीबार, असोज २९, २०७७ १५:५८

प्रतिक्रिया दिनुहोस्