सशस्त्र प्रहरी बाँकेले गर्‍यो जनचेतनामूलक कार्यक्रमसंगै मास्क वितरण

समाचार

गृहपृष्ठ
समाचार
सशस्त्र प्रहरी बाँकेले गर्‍यो जनचेतनामूलक कार्यक्रमसंगै मास्क वितरण

सशस्त्र प्रहरी बाँकेले गर्‍यो जनचेतनामूलक कार्यक्रमसंगै मास्क वितरण

बिहीबार, असोज २९, २०७७ बागेश्वरी पोस्ट

नेपालगन्ज । बाँकेको डुडुवामा सशस्त्र प्रहरीले कोभिड-१९ सम्बन्धि जनचेतनामूलक कार्यक्रमसंगै मास्क वितरण गरेको छ । कोभिडको बढ्दो जोखिमलाई मध्यनजर गर्दै सशस्त्र प्रहरी बल नेपाल नम्बर ३० गण बागेश्वरीले गाउँपालिकाको वडा नम्बर १ स्थित नरेन्द्र प्राथमिक विद्यालय प्रांगणमा ४ सय जना स्थानीयलाई कोभिडबाट बच्न अपनाउनुपर्ने सावधानीसंगै मास्क पनि वितरण गरेको हो ।
त्यस्तै त्यस आसपासमा रहेका नयाँ वस्ती, कालाबन्जार, सन्तलिया गाउँका २६ सय स्थानीयलाई मास्क पनि वितरण गरिएको सशस्त्र प्रहरीले जनाएको छ । कार्यक्रममा जिल्ला समन्वय समिति बाँकेका उपसंयोजक ज्ञानेन्द्र चौधरी, सशस्त्र प्रहरी बल नेपाल नम्बर ३० गण बागेश्वरीका गणपति अशोक कुमार बम, वडाध्यक्ष, राजनीतिक दलका प्रतिनिधि लगायतको उपस्थिति थियो ।