समृद्धितर्फ जान नसके गरिब जनशक्ति दुरुपयोग हुन सक्छन् : प्रम ओली

राजनीति

गृहपृष्ठ
राजनीति
समृद्धितर्फ जान नसके गरिब जनशक्ति दुरुपयोग हुन सक्छन् : प्रम ओली

समृद्धितर्फ जान नसके गरिब जनशक्ति दुरुपयोग हुन सक्छन् : प्रम ओली

शनिबार, कात्तिक १, २०७७ बागेश्वरी पोस्ट

प्रधानमन्त्री केपी शर्मा ओली

काठमाडौं । प्रधानमन्त्री केपी शर्मा ओलीले गरिबीबाट समृद्धितर्फ अगाडि बढ्न नसके हाम्रो जनशक्तिलाई समाजका हानिकारक तत्वले आफ्नो अनुचित स्वार्थ पूरा गर्न दुरुपयोग गर्ने खतरा रहने बताएका छन् । प्रम ओलीले अन्तर्राष्ट्रिय गरिबी निवारण दिवसको अवसरमा शनिबार एक शुभकामना सन्देश जारी गर्दै उक्त कुरा बताएका हुन् ।

उनले भने, ‘समृद्धिका हरेक पहलकदमीमा अवरोध गर्दै गरिबीलाई आफ्नो अनुचित स्वार्थ सिद्ध गर्ने साधनका रुपमा सधैं दुरुपयोग गर्ने प्रवृत्तिबाट समाजलाई बचाउन सबै सजग रहनु पर्दछ ।’ उनले दिवसले मुलुकलाई गरिबीबाट समृद्धितर्फ र जनतालाई विपन्नताबाट सम्पन्नतातर्फ लैजाने राष्ट्रिय आकांक्षा पूरा गर्ने सार्थक उत्प्रेरणा प्रदान गरोस् भन्ने कामना गरेका छन् ।

प्रकाशित मिति: शनिबार, कात्तिक १, २०७७ १०:५८

प्रतिक्रिया दिनुहोस्