डुडुवामा ५९ जना महिला स्वास्थ्य स्वयंसेविकालाई साइकल वितरण

समाचार

गृहपृष्ठ
समाचार
डुडुवामा ५९ जना महिला स्वास्थ्य स्वयंसेविकालाई साइकल वितरण

डुडुवामा ५९ जना महिला स्वास्थ्य स्वयंसेविकालाई साइकल वितरण

शनिबार, कात्तिक १, २०७७ बागेश्वरी पोस्ट

डुडुवा (बाँके) । स्वास्थ्य सेवालाई थप प्रभावकारी बनाउन डुडुवा गाउँपालिकाले महिला स्वास्थ्य स्वयंसेविकाहरुलाई सक्रिय बनाउन थालेको छ ।समुदायस्तरमा खटिने महिला स्वास्थ्य स्वयंसेविकाहरुलाई स्वास्थ्य सेवा थप गुणस्तर र प्रभावकारी बनाउन जिम्मेवार बनाउन थालेको हो । समुदायमा आवतजावतका लागि गाउँपालिका स्वास्थ्य शाखाले साइकल वितरण गरेको छ ।

आज एक कार्यक्रम गरी डुडुवा गाउँपालिका वडा नंं. १ देखि ६ सम्मका ५९ जना महिला स्वास्थ्य स्वयंसेविकाहरुलाई साइकल वितरण गरिएको छ । साइकल वितरण गर्दै गाउँपालिका अध्यक्ष नरेन्द्र कुमार चौधरीले नि:स्वार्थ भावनाले २४ सै घण्टा खटिने महिला स्वास्थ्य स्वयंसेविकाको सेवा सुविधामा समेत बृद्धि गर्ने योजना रहेकोे भन्दै उहाँले समुदायमा स्वास्थ्य सचेतना तथा महिला स्वास्थ्यका विभिन्न समस्यालाई समाधान गर्न उनीहरुको भूमिकालाई प्रभावकारी बनाउन सेवासुविधा बृद्धि गर्ने प्रतिबद्धता गर्नुभयो । गाउँपालिकाले स्वास्थ्य र शिक्षालाई विशेष प्राथमिकतामा राखेकोले स्वास्थ्यमा सम्पुर्ण औषधि र ल्याबको नि:शुल्क व्यवस्था गरेको बताउनुभयो ।

कार्यक्रममा गाउँपालिका उपाध्यक्ष शाहिदा बानो, वडाध्यक्ष पटेश्वरी कुर्मी, गजेन्द्र कैराती, कार्यपालिका सदस्य लिलावति यादव, सुष्मा यादव, स्वास्थ्य शाखा प्रमुख धनबहादुर बुढा, विभिन्न स्वास्थ्य चौकीका इन्चार्जहरुको उपस्थिति रहेको थियो ।

प्रकाशित मिति: शनिबार, कात्तिक १, २०७७ २०:२९

प्रतिक्रिया दिनुहोस्