आज बडा दशैंको दोस्रो दिन, बह्रमाचारिणी भगवतीको पूजा गरिँदै

समाचार

गृहपृष्ठ
समाचार
आज बडा दशैंको दोस्रो दिन, बह्रमाचारिणी भगवतीको पूजा गरिँदै

आज बडा दशैंको दोस्रो दिन, बह्रमाचारिणी भगवतीको पूजा गरिँदै

आइतबार, कात्तिक २, २०७७ बागेश्वरी पोस्ट

नेपालगन्ज । बडा दशैंको दोस्रो दिन आज ब्रह्मचारिणी भगवतीको पूजा हुँदैछ । घटस्थापना गरेसँगै नवदूर्गाका ९ वटा रूपहरूको पूजा गर्ने परम्परा छ ।

ब्रह्मचारिणी अर्थात् तपको आचरण गर्ने यी देवीको उपासनाले मनुष्यमा तप, त्याग, वैराग्य, सदाचार, संयमको वृद्धि हुन्छ भन्ने मान्यता छ । नवरात्रका नौ दिनमा पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौंथो दिन कुष्माण्डा, पाँचौ दिन स्कन्दमाता, छौटौं दिन कात्यायनी, सातौं दिन कालरात्री, आठौं दिन महागौरी र नवौं दिन सिद्धिदात्रीको पूजा गरिन्छ ।

दशैंको दोस्रो दिन आज देशभरीका नवदुर्गाका मन्दिर र शक्तिपीठहरु र दशैंघरमा ब्रह्मचारिणी भगवतीको पूजा गरिन्छ । तर, यस वर्ष कोरोना संक्रमणको जोखिम भएकाले शक्तिपीठहरु बन्द गरिएको छ । त्यहाँ पूजारीहरुबाट नित्य पूजा मात्र हुँदै आएको छ

प्रकाशित मिति: आइतबार, कात्तिक २, २०७७ ०७:४२

प्रतिक्रिया दिनुहोस्