सुर्खेतमा ५१ फिट अग्लो अर्धनारेश्वरको मूर्ति स्थापना

समाचार

गृहपृष्ठ
समाचार
सुर्खेतमा ५१ फिट अग्लो अर्धनारेश्वरको मूर्ति स्थापना

सुर्खेतमा ५१ फिट अग्लो अर्धनारेश्वरको मूर्ति स्थापना

आइतबार, कात्तिक २, २०७७ रासस

सांंकेतिक तस्बिर

सुर्खेत । सुर्खेतको लाटीकोइलीस्थित शिव मन्दिरमा अर्धनारेश्वरको ५१ फिट अग्लो मूर्ति स्थापना गरिएको छ । धार्मिक पर्यटन प्रवर्द्धन गर्ने उद्देश्यले दुई वर्षअघि लगाइएको महापुराणबाट सङ्कलित रकमले अर्धनारेश्वरको मूर्ति स्थापना गरिएको हो ।

शिव मन्दिर प्राचीनकालमा एउटै ढुङ्गाबाट बनेको पुरातात्विक शैलीको मन्दिर हो । वीरेन्द्रनगर–९ का अध्यक्ष सुरेश मानन्धरले मन्दिरलाई विश्वसामु चिनाउन शिवको २१ फिट तथा पार्वतीको ३० फिट गरी ५१ फिट अग्लो मूर्ति स्थापना गरिएको बताए।

उक्त मूर्ति एउटै ढुङ्गाबाट शिव र पार्वतीको आधा–आधा शरीर जोडेर निर्माण भएको नेपालकै एकमात्र अग्लो अर्धनारेश्वरको मूर्ति भएको उनको दाबी छ । मूर्ति घटस्थापनाको अवसर पारेर स्थापना गरिएको हो ।

मूर्ति निर्माण तथा स्थापना कार्यमा रु ८९ लाख खर्च भएको बताइएको छ । विसं २०७५ मा लगाइएको महापुराणबाट रु एक करोड सात लाख २९ हजार ९०० सङ्कलन भएको थियो । ४०० वर्ष पुरानो शिव मन्दिरमा कान नसुन्ने र बोल्न नसक्ने व्यक्तिहरुले दर्शन गरे ती समस्याबाट मुक्ति पाउने विश्वास छ ।

प्रकाशित मिति: आइतबार, कात्तिक २, २०७७ ०७:५७