कार्तिक २० गतेदेखि कोहलपुरबाट हराएका ४ जना बालकको कोहलपुर प्रहरीद्वारा उद्दार

समाचार

गृहपृष्ठ
समाचार
कार्तिक २० गतेदेखि कोहलपुरबाट हराएका ४ जना बालकको कोहलपुर प्रहरीद्वारा उद्दार

कार्तिक २० गतेदेखि कोहलपुरबाट हराएका ४ जना बालकको कोहलपुर प्रहरीद्वारा उद्दार

भारत जादै थिए, हामिले उद्दार गर्न सफल भयौ: डिएसपी शाही

बुधबार, कात्तिक २७, २०७६ बागेश्वरी पोस्ट

कोहलपुर । ईलाका प्रहरी कार्यालय कोहलपुरले हराएका ४ जना बालकहरुलाई बुधबार उद्दार गरेको छ।

कार्तिक २० गते देखि कोहलपुर नगरपालिकाबाट हराएका वडा नं १२ बस्ने १२ बर्षिय प्रकाश बि,सोही स्थानकै ११ बर्षिय दिपक तिरुवा,कोहलपुर १२ कै १३बर्षिय श्याम बि.क.र सोही स्थानकै १२ को बिक्की बिकलाई फेला पारी घर परिवारलाई बुझाएको कोहलपुर प्रहरी प्रमुख डिएसपी हेम बहादुर शाहीले बताए।

चारै जना बालकहरु हराएपछि उनका परिवारले निबेदन दिने बित्तिकै प्रहरीले खोजी अभियान थालेको शाहीले बताए। बालबालिकाको सवाल म लगायत मेरो प्रहरी कार्यालयका सम्पुर्ण कर्मचारीहरु सिरियस भएकोले हामिले तुरुन्तै निबेदन पश्चात् अप्रेसन सुरु गरेकोले बालकहरुलाई भारत जानबाट रोक्न सफल भएका छौ", डिएसपी शाहीले भने।

खोजीकै क्रममा उनिहरुलाई भारत तर्फ जाँदै गर्दा नेपालगन्ज १३ चौलिकामा फेला पारिएको उनले बताए। कोहलपुर प्रहरी कार्यालयमा ल्याइ चारै जना बालकहरुलाई सम्झाइ बुझाइ गरिएको डिएसपी शाहीले बताए।

केही दिन अघि मात्र नेपालगन्ज २० बाट हराएका ४ जना बालकहरुलाई बर्दियाको जमुनीमा फेला पारी कोहलपुर प्रहरीले उनका आफन्तहरुलाई बुझाएको थियो।

प्रकाशित मिति: बुधबार, कात्तिक २७, २०७६ १६:२२