दशैंको आज तेस्रो दिन, चन्द्रघण्टा देवीको पूजा गरिँदै

समाचार

गृहपृष्ठ
समाचार
दशैंको आज तेस्रो दिन, चन्द्रघण्टा देवीको पूजा गरिँदै

दशैंको आज तेस्रो दिन, चन्द्रघण्टा देवीको पूजा गरिँदै

सोमबार, कात्तिक ३, २०७७ बागेश्वरी पोस्ट

नेपालगञ्ज । आज दशैंको तेस्रो दिन चन्द्रघण्टा देवीको पूजा गरिँदैछ ।

देशभरका नवदुर्गाका मन्दिर र शक्तिपीठमा आज पनि विधि पूजा मात्रै गरिनेछ । कोरोना सङ्क्रमण जोखिमका कारण भक्तजनको भीड छैन । काठमाण्डौका गुह्येश्वरी, मैतीदेवी, दक्षिणकाली, कालीकास्थान, शोभा भगवती, तलेजुभवानी, बिजेश्वरी, नक्साल भगवती, भद्रकाली र इन्द्रायणीसहितका देवी दुर्गाका शक्तिपीठहरमा विगतका वर्षमा दर्शनार्थीहरुको भीड लाग्ने गरेको थियो ।

काठमाण्डौ उपत्यका बाहिर धरानको दन्तकाली, भोजपुरको सिद्दकाली, ताप्लेजुङको पाथीभरा, गोरखाको मनकामना लगायतका शक्तिपीठमा दर्शनार्थीको भीड लाग्ने गरेको भएपनि यसपाली सुनसान छ ।

नवरात्रीको नौ दिनमा पहिलो दिन शैलपुत्री, दोस्रो दिन ब्रहृमचारिणी, तेस्रो दिन चन्द्रघण्टा, चौथो दिन कुष्माण्डा, पाँचौ दिन स्कन्दमाता, छैठौ‌ं दिन कात्यायनी, सातौं दिन कालरात्री, आठौं दिन महागौरी र नवौं दिन सिद्धिदात्रीको पूजा गर्ने गरिन्छ ।

प्रकाशित मिति: सोमबार, कात्तिक ३, २०७७ ०८:४३

प्रतिक्रिया दिनुहोस्