भट्टराई जनता समाजवादी पार्टीको अध्यक्षमा चयन

राजनीति

गृहपृष्ठ
राजनीति
भट्टराई जनता समाजवादी पार्टीको अध्यक्षमा चयन

भट्टराई जनता समाजवादी पार्टीको अध्यक्षमा चयन

मंगलबार, कात्तिक ४, २०७७ बागेश्वरी पोस्ट

पूर्व प्रधानमन्त्री डा. बाबुराम भट्टराई

काठमाडौं । काठमाडौंमा जारी जनता समाजवादी पार्टीको बैठकले पार्टीको संघीय परिषद् अध्यक्षको जिम्मेवारी डा. बाबुराम भट्टराईलाई दिएको छ । पूर्वप्रधानमन्त्री समेत रहेका डा. भट्टराईले नेतृत्व गर्ने संघीय परिषदप्रति केन्द्रीय समिति उत्तरदायी हुनुपर्ने विधान पनि बैठकले पारित गरेको छ । सोमबारबाट काठमाडौंमा सुरु भएको बैठकले केन्द्रीय समिति संघीय परिषद्प्रति उत्तरदायी हुनेछ भन्ने विधान पनि पारित गरेको छ पार्टीका युवा नेता विश्वदीप पाण्डेले जानकारी दिए ।

मंगलबार सकिएको केन्द्रीय कार्यकारिणी समितिको बैठकले बाँकी निर्णयका लागि ५ जना शीर्ष नेतालाई अधिकार दिएको पाण्डेले जानकारी दिए । पाँच शीर्ष नेतामा डा. बाबुराम भट्टराई, महन्थ ठाकुर, उपेन्द्र यादव, अशोक राई र राजेन्द्र महतो रहेका छन् । केन्द्रीय समितिको अध्यक्षमा ठाकुर र यादव रहेका छन् ।

बैठकले संघीय सांसद रेशम चौधरीको रिहाईका लागि अभियान सञ्चालन गर्ने निर्णय गरेको पाण्डेले जानकारी दिए ।

प्रकाशित मिति: मंगलबार, कात्तिक ४, २०७७ १८:३२

प्रतिक्रिया दिनुहोस्