सुदूरपश्चिममा कोरोनाबाट २ जनाको मृत्यु

स्वास्थ्य

गृहपृष्ठ
स्वास्थ्य
सुदूरपश्चिममा कोरोनाबाट २ जनाको मृत्यु

सुदूरपश्चिममा कोरोनाबाट २ जनाको मृत्यु

बुधबार, कात्तिक ५, २०७७ बागेश्वरी पोस्ट

सांंकेतिक तस्बिर

नेपालगन्ज । सुदूरपश्चिममा कोरोनाबाट थप २ जनाको मृत्यु भएको छ । होम आइसोलेसनमै बसिरहेका धनगढी उपमहानगरपालिका–२ का ६८ वर्षीय पुरुष र धनगढीकै ६० वर्षीय व्यापारीको मृत्यु भएको हो ।

२८ असोजमा संक्रमण पुष्टि भएका धनगढी उपमहानगरपालिका–२ का ६८ वर्षीय पुरुषको अवस्था गम्भीर भएपछि उपचारका लागि अस्पताल ल्याउँदै गर्दा मृत्यु भएको सेती अस्पतालका सूचना अधिकारी दिलीपकुमार श्रेष्ठले जानकारी दिए । उनका अनुसार मृतकको शव अहिले सेती अस्पतालमा राखिएको छ ।

अर्का मृतक ६० वर्षीय व्यापारीको भारतको लखनउमा मृत्यु भएको हो । १५ दिनअघि सेती अस्पतालमा गरिएको परीक्षणमा उनमा संक्रमण पुष्टि भएको थियो । अवस्था गम्भीर भएपछि उपचारका लागि लखनउ लगिएको र उपचारका क्रममा उनको मृत्यु भएको पारिवारिक स्रोतले जनाएको छ ।

योसँगै सुदूरपश्चिममा कोरोनाबाट मृत्यु हुनेको संख्या २८ पुगेको छ ।

प्रकाशित मिति: बुधबार, कात्तिक ५, २०७७ १०:४४

प्रतिक्रिया दिनुहोस्