बर्दियामा बाघको आक्रमणबाट महिलाको मृत्यु

समाचार

गृहपृष्ठ
समाचार
बर्दियामा बाघको आक्रमणबाट महिलाको मृत्यु

बर्दियामा बाघको आक्रमणबाट महिलाको मृत्यु

बुधबार, कात्तिक ५, २०७७ बागेश्वरी पोस्ट

फाइल फोटो

नेपालगन्ज । बर्दियामा बाघको आक्रमणबाट एक महिलाको मृत्यु भएको छ । आज अपरान्ह सवा ४ बजेतिर मधुवन नगरपालिका वडा नम्बर ३ भगरैया बस्ने अन्दाजी २८/२९ वर्षकी गंगा बुढालाई घाँस काट्ने क्रममा पाटेबाघले आक्रमण गरी दशगजाबाट एक सय मिटरभित्र भारततर्फको जंगलतिर पुर्याएको अवस्थामा सशस्त्र प्रहरीले मृत फेला पारेको हो ।

सशस्त्र प्रहरी बल नेपाल नम्बर ३१ गण हेडक्वाटर बर्दिया मातहत रहेको विओपी भगरैयाबाट सप्रनानि भिम बहादुर वलीको कमाण्डमा खटिएको ११ जनाको टोली र स्थानीय बासिन्दा २०/२५ जनाको सहयोगमा हो-हल्ला गरी बाघलाई भगाई महिलालाई मृत अवस्थामा फेला पारेको सशस्त्र प्रहरीले जनाएको छ ।

प्रकाशित मिति: बुधबार, कात्तिक ५, २०७७ १७:०६

प्रतिक्रिया दिनुहोस्