देशवासीका नाममा प्रधानमन्त्रीको सम्बोधन: उपचार गर्न नसक्ने कोरोना संक्रमितको सरकारले उपचार गर्छ

समाचार

गृहपृष्ठ
समाचार
देशवासीका नाममा प्रधानमन्त्रीको सम्बोधन: उपचार गर्न नसक्ने कोरोना संक्रमितको सरकारले उपचार गर्छ

देशवासीका नाममा प्रधानमन्त्रीको सम्बोधन: उपचार गर्न नसक्ने कोरोना संक्रमितको सरकारले उपचार गर्छ

शुक्रबार, कात्तिक ७, २०७७ बागेश्वरी पोस्ट

नेपालगन्ज । प्रधानमन्त्री केपी शर्मा ओलीले उपचार खर्च बेहोर्न नसकेमा र अस्पतालले पनि उपचार खर्च नबेहोरेमा कोरोना संक्रमितको उपचार सरकारले गर्ने बताउनुभएको छ । देशवासीका नाममा सम्बोधन गर्ने क्रममा प्रधानमन्त्री ओलीले कुनै पनि विपत्तिमा जनताको जिउधनको रक्षा गर्नु सरकारको नि:शर्त दायित्व रहेको बताउनुभयो ।

सरकारले कोरोना भाइरसको परिक्षण र उपचारको यथोचित प्रबन्ध गर्ने पनि उहाँले बताउनुभयो । खोपको व्यवस्था गर्न पनि सरकार लाग्ने उहाँको भनाई थियो । कोरोना संक्रमणलाई लिएर सरकारको आलोचना भएकोप्रति इंगित गर्दै प्रधानमन्त्री ओलीले ती अफवाह समयसँगै हराएर जाने बताउनुभयो । उहाँले पछिल्लो समय सरकारले कोरोना संक्रमितको उपचार नगर्ने निर्णयलाई लिएर भएको आलोचनाको प्रतिरोध गर्दै संक्रमितका परिवार र अस्पतालले उपचार गर्न नसक्ने भएमा सरकारले गर्ने बताउनुभयो ।

यसअघि स्वास्थ्य मन्त्रालयका प्रवक्ता डा. जागेश्वर गौतमले कात्तिक २ गतेको नियमित पत्रकार सम्मेलनमा कोरोनाका विरामीको उपचार अबदेखि सरकारले नगर्ने बताउनुभएको थियो । उहाँले दसैँ मान्दा निकै होशियार भई सामाजिक दूरी कायम गरेर मान्न पनि अपिल गर्नुभएको छ ।

प्रकाशित मिति: शुक्रबार, कात्तिक ७, २०७७ १७:१९

प्रतिक्रिया दिनुहोस्