कांग्रेसले यो वर्ष चियापान समारोह नगर्ने

राजनीति

गृहपृष्ठ
राजनीति
कांग्रेसले यो वर्ष चियापान समारोह नगर्ने

कांग्रेसले यो वर्ष चियापान समारोह नगर्ने

आइतबार, कात्तिक ९, २०७७ बागेश्वरी पोस्ट

कांग्रेस मुख्यालय

नेपालगन्ज । कांग्रेसले रहेक वर्ष नियमितरुपमा आयोजना गर्दै आएको चियापान यस वर्ष रोक्ने भएको छ । हरेक वर्षको कोजाग्रत पूर्णिमाका दिन चियापान कार्यक्रम गर्दै आएको कांग्रेसले यस वर्ष भने कोरोना महामारीका कारण रोक्ने निर्णय गरेको हो ।

कांग्रेसका मुख्यसचिव कृष्णप्रसाद पौडेलका अनुसार कोजाग्रत पूर्णिमाका दिन आयोजना गरिँदै आएको शुभकामना आदान–प्रदान तथा चियापान समारोह कोभिड-१९ का कारण यो वर्ष नगरिने काँग्रेसले निर्णय गरेको छ ।

वि.सं. २०३३ सालमा बी.पी. कोइराला राष्ट्रिय एकता तथा मेलमिलापको नीति लिई स्वदेश फर्केपछि २०३४ सालदेखि प्रत्येक वर्ष नेपाली कांग्रेसले कोजाग्रत पूर्णिमाको दिनमा चियापान समारोह गरी शुभकामनाआदान–प्रदान गर्दै आएको थियो ।

मुख्यसचिव पौडेलका अनुसार यस वर्ष विश्वव्यापी रुपमा फैलिएको कोभिड-१९ संक्रमण महामारीका कारण यस वर्षको कात्तिक १४ गते कोजाग्रत पूर्णिमाको दिन हुने शुभकामना आदान–प्रदान तथा चियापान कार्यक्रम आयोजना नगरिने जानकारी दिएका हुन् ।