सुदुरपश्चिम् साइकल यात्रा सकेर फर्किए साइकल यात्री

समाचार

गृहपृष्ठ
समाचार
सुदुरपश्चिम् साइकल यात्रा सकेर फर्किए साइकल यात्री

सुदुरपश्चिम् साइकल यात्रा सकेर फर्किए साइकल यात्री

आइतबार, कात्तिक १६, २०७७ बागेश्वरी पोस्ट

नेपालगन्ज । नेपालगन्ज बाट १३ गते बिहान् ५ बजे हिडेको ११ सदस्यीय साइकल यात्राको समूह शनिबार नेपालगन्ज फर्केको छ।

नेपालगन्ज साइक्लिङ्ग क्लब आबद्ध टिममा लवराज श्रेष्ठ , राजेस गुप्ता, पुष्कर हमाल, रतन शर्मा, रमेशराज रेग्मी, दिब्यदेव लम्साल, किरण श्रेष्ठ, नारायण थापा र तेजबिक्रम शाह गरि ९ जनाले साइक्लिङ्ग गर्नुभएको थियो भने क्लबका उपाध्यक्ष रमेश मल्ल र सतिश निरौलाले यात्रा को डकुमेन्टसनका लागी यात्रामा सहभागिता जनाउनु भएको थियो।

एकैदिनमा साइक्लिस्टहरुले २०० किलोमीटरको यात्रा पूरा गरि महेन्द्रनगर पुगेको नेपालगन्ज - दोधाराचादनी साइकल यात्रा का टिम लिडर तथा नेपालगन्ज साइक्लिङ्ग क्लबका बरिस्ठ उपाध्यक्ष लवराज श्रेष्ठले जानकारी दिनुभयो। पर्यटन पर्बर्धन र कोरोना सचेतना नै यात्रा को मुल उधेश्य रहेको यात्रामा सहभागी राजेस गुप्ताले बताउनुभयो । साइकल यात्रीहरुले महेन्द्रनगर को दोधाराचादनी पुल, शुक्लाफाटा, भम्केनी धाम र लिङ्गा को अवलोकन गरेका छन् ।

यात्रामा सहभागी हुनुभएका साइकल यात्री रमेशराज रेग्मी केहि समय अघि कोरोना जितेर यो साहसिक साइकल यात्रा पुरा गर्नुभएको छ भने अर्का साइकल यात्री ५६ बर्षिय तेजबिक्रम शाहले केही दिन अघि २५९ किलोमीटर साइक्लिङ्ग एकैदिनमा पुरा गरि नयाँ रेकर्ड कायम गर्नुभएको थियो।

पछिल्लो केहि बर्ष देखि नेपालगन्जमा कृयासिल नेपालगन्ज साइक्लिङ्गका गतिविधिले साइकलप्रती नेपालगन्ज, खजुरा र कोहलपुरमा साइक्लिङ्ग गर्नेहरूको संख्यामा उल्लेख्य वृद्धि भएको छ भने साइक्लिङ्गलाई पर्यटकिय प्रोडक्टको रूपमा समेत स्थापित भएको दाबी नेपालगन्ज साइक्लिङ्ग क्लबका उपाध्यक्ष रमेश मल्ल को छ।

यस्तै सोही दिननै कोहलपुरमा सक्रिय साइक्लिस्ट हरुद्वारा नवगठित स्वर्गद्वारी साइक्लिङ्ग क्लब आबद्ध साइक्लिस्टहरुले कोहलपुर - सुर्खेत - कुइने- कर्णाली चिसापानी हुँदै कोहलपुर सम्मको साइकल यात्रा पुरा गरेका छन् ।

प्रकाशित मिति: आइतबार, कात्तिक १६, २०७७ १४:४७

प्रतिक्रिया दिनुहोस्