तरुण दलको बाँके बन्दले दिनभर जिल्लाको जनजिबन प्रभावित

राजनीति

गृहपृष्ठ
राजनीति
तरुण दलको बाँके बन्दले दिनभर जिल्लाको जनजिबन प्रभावित

तरुण दलको बाँके बन्दले दिनभर जिल्लाको जनजिबन प्रभावित

शुक्रबार, कात्तिक २९, २०७६ बागेश्वरी पोस्ट

नेपालगन्ज ।तरुण दल बाँकेले आज गरेको बाँके बन्द सफल भएको जानकारी दिएको छ। आज बिहानै देखि तरुण दल बाँकेले गरेको बन्दको कारण पुरै बाँकेको जनजीवन प्रभावित बनेको थियो।

बन्दका कारण दिनभर जनजीवन प्रभावित भएको छ । बाँके बन्दका कारण सार्वजनिक यातायात, विद्यालय, कलकारखाना व्यापार व्यावसाय प्रभावित भएका छन् । हतियारसहित पक्राउ परेका तरुणदलका नेपालगन्ज नगर सभापति संदिपजंग शाहको रिहाईको मागका साथै प्रहरी प्रशासनले सत्ताको आडमा आफ्ना कार्यकर्ताहरुलाई अनाहकमा दुख दिएको भन्दै बन्द आव्हान गरीएहो हो ।

बन्द आव्हानकर्ताहरु शुक्रबार बिहानैदेखि नेपालगन्जको बीपिचोक, कारकादो, खजुरा र कोहलपुर चौराह लगायत कुसुममा झण्डासहित प्रदर्शन गर्नुको साथै आवागमन ठप्प पारेका छन् ।बाँके बन्दमा कुनै पनि अप्रीय घटना हुन भने पाएन।

बन्द समापन पश्चात् तरुण दल बाँकेका अध्यक्ष बिरेन्द्र शाहले बन्द सफल बनाउन सहयोग गर्ने सबैलाई धन्यबाद दिएका छन् ।

आज बिहानै देखि नेपाली कांग्रेसका अग्रज नेता लगायत कार्यकर्ताहरु बन्द गराउने अभियानमा आफै उपस्थित भएका थिए।

प्रकाशित मिति: शुक्रबार, कात्तिक २९, २०७६ १७:५८