वडा सदस्य परियारको स्मृतिमा शोकसभा, शोक मनाउन अत्याबश्यक बाहेक सबै सेवा बन्द

समाचार

गृहपृष्ठ
समाचार
वडा सदस्य परियारको स्मृतिमा शोकसभा, शोक मनाउन अत्याबश्यक बाहेक सबै सेवा बन्द

वडा सदस्य परियारको स्मृतिमा शोकसभा, शोक मनाउन अत्याबश्यक बाहेक सबै सेवा बन्द

मंगलबार, कात्तिक १८, २०७७ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले वडा सदस्य शान्तिदेवी परियारको निधनप्रति दुःख व्यक्त गर्दै आज श्रद्धाञ्जली सभा गरेको छ ।

श्रद्धाञ्जली सभामा नगरप्रमुख डा. धवलशम्शेर राणाले परियारको निधनले नेपालगञ्जले एकजना कर्मठ र शालिन ब्यक्ति गुमाएको बताउँदै उहाँबाट सधैं सकारात्मक सहयोग प्राप्त भएको बताउनुभयो । कार्यक्रममा नगर उपप्रमुख उमा थापा मगर, प्रमुख प्रशासकीय अधिकृत ओमवहादुर खड्का, वडा अध्यक्ष, कार्यपालिका सदस्य, वडा सदस्य, कर्मचारी लगायतको उपस्थिति रहेको थियो ।

नगर प्रमुख प्रमुख राणा, उपप्रमुख थापा मगर, प्रतिनिधिसभा सदस्य सर्वतआरा खानम, प्रदेशसभा सदस्य मोहम्मद याकुब अन्सारी लगायतले स्व. परियारको तस्बीरमा माल्र्यापण गर्नुभयो । नेपालगञ्ज उपमहानगरपालिका वडा नम्बर २ का वडा सदस्य परियारको कोरोना संक्रमणबाट हिजो भेरी अस्पतालमा निधन भएको हो ।

वडा नम्बर २ का वडाध्यक्ष सुनिलसिंह हमालले वडा सदस्य परियार वडाभित्र अति सक्रिय जनप्रतिनिधि रहेको बताउँदै आफूहरुले अभिभावक गुमाएको बताउनुभयो । वडा सदस्य परियारको निधनमा शोक मनाउँदै नेपालगञ्ज उपमहानगरपालिका र वडा कार्यालयमा आज अत्यावश्यक बाहेकका अन्य सेवा प्रवाह बन्द गरिएको छ ।

प्रकाशित मिति: मंगलबार, कात्तिक १८, २०७७ १२:२३

प्रतिक्रिया दिनुहोस्