भारतीय सेनाध्यक्षलाई मानार्थ महारथी उपाधि प्रदान

राजनीति

गृहपृष्ठ
राजनीति
भारतीय सेनाध्यक्षलाई मानार्थ महारथी उपाधि प्रदान

भारतीय सेनाध्यक्षलाई मानार्थ महारथी उपाधि प्रदान

बिहीबार, कात्तिक २०, २०७७ बागेश्वरी पोस्ट

राष्ट्रपति विद्यादेवी भण्डारीले भारतीय सेनाध्यक्ष मनोज मुकुन्द नरवणेलाई नेपाली सेनाको मानार्थ महारथीको उपाधि पदवी प्रदान गर्दै ।

नेपालगन्ज । राष्ट्रपति विद्यादेवी भण्डारीले भारतीय सेनाध्यक्ष मनोज मुकुन्द नरवणेलाई नेपाली सेनाको मानार्थ महारथीको उपाधि पदवी प्रदान गरेकी छन् । बिहीबार राष्ट्रपति कार्यालय शीतल निवासमा आयोजित समारोहमा भण्डारीले सेनाध्यक्ष नरवणेलाई मानार्थ महारथीको उपाधि प्रदान गरेकी हुन् ।

उनले नरवणेलाई तरबार पनि उपहार दिइकी छन् । उक्त कार्यक्रममा प्रधानमन्त्री केपी शर्मा ओली, नेपालका लागि भारतीय राजदूत विनयमोहन क्वात्रालगायत दुबै देशका अन्य अधिकारीहरू उपस्थित थिए।

मानार्थ महारथी पाएपछि नरवणेले राष्ट्रपति भण्डारीसँग भेटवार्ता गरेका थिए । नेपाली सेना र भारतीय सेनाबीच एक–अर्का देशको सैनिक प्रमुखलाई मानार्थ महारथी दर्जा प्रदान गर्ने परम्परा रही आएको छ । नेपालका तर्फबाट मानार्थ महारथी प्राप्त गर्ने भारतीय स्थलसेनाध्यक्ष जनरल नरावणेले १८औँ सेनापति हुन् ।