गोठमा लुकाएर राखिएका बिप्लब समुहका ५ थान एसएमजी राइफल दाङ प्रहरीद्वारा बरामद

राजनीति

गृहपृष्ठ
राजनीति
गोठमा लुकाएर राखिएका बिप्लब समुहका ५ थान एसएमजी राइफल दाङ प्रहरीद्वारा बरामद

गोठमा लुकाएर राखिएका बिप्लब समुहका ५ थान एसएमजी राइफल दाङ प्रहरीद्वारा बरामद

शनिबार, कात्तिक ३०, २०७६ बागेश्वरी पोस्ट

फेला पारिएका हतियार

घोराही ( दाङ )। जिल्ला प्रहरी कार्यालय दाङले ५ थान अत्याधुनिक राइफल बरामद गरेको छ। बिप्लब समुहले खाली गोठमा राखेको ५ थान एसएमजी राईफल, १३ थान म्यागजिन र ३९० राउन्ड गोली बरामद भएको जिल्ला प्रहरी कार्यालय दाङले पत्रकार सम्मेलन गरि शनिवार जानकारी दिएको छ ।

जिल्ला प्रहरी प्रमुख एसपी जनक भट्टराईले ती सबै हतियार सरकारद्धारा प्रतिवन्धित विप्लव समुहको भएको जानकारी दिएका छन् । दाङको गढवा गाउँपालिका र कपिलबस्तु जिल्लाको सीमाना क्षेत्रमा विशेष सूचनाको आधारमा प्रहरीको विशेष टोली परिचालन भएर खोज तलास गर्ने क्रममा रित्ता गोठहरुमा स्थान्तरण गर्नको लागि सुटकेटसमा राखेको अवस्थामा ती हतियार बरामद भएको एसपी भट्टराईले बताए ।

उनले ती सबै हतियार एउटै गोठवाट शुक्रावर बेलुका ६ बजेतिर लुकाई राखेको अवस्थामा प्रहरीले फेला पार्न सफल भएको जानकारी दिए । खाली र बेवारिसे गोठ भित्र सुटकेश भित्र राखेर त्यसलाई पात पत्तिंगर तथा झारपातले छोपेर लुकाई राखेको अवस्थामा ती हातहतियार फेला परेका एसपी भट्टराईले जानकारी दिए ।

प्रकाशित मिति: शनिबार, कात्तिक ३०, २०७६ १०:०३