सामाजिक बिकास मन्त्री बराल पहिलो पटक पुगे नरैनापुर

राजनीति

गृहपृष्ठ
राजनीति
सामाजिक बिकास मन्त्री बराल पहिलो पटक पुगे नरैनापुर

सामाजिक बिकास मन्त्री बराल पहिलो पटक पुगे नरैनापुर

शनिबार, कात्तिक ३०, २०७६ बागेश्वरी पोस्ट

नरैनापुर(बाँके )।सामाजिक विकास मन्त्री सुदर्शन बराल नरैनापुर क्षेत्रको स्थलगत अवलोकन गरेका छन् । बाँके निर्वाचन क्षेत्र नं १ (क) अन्तरगत पर्ने सो क्षेत्रको समग्र अवस्थाको बारेमा अवलोकन गर्न प्रदेश नम्बर ५ का सामाजिक बिकास मन्त्री बराल पहिलोे पटक पुगेका हुन ।

उनले समग्र बघौडा क्षेत्रको विकासको लागि प्रदेश सरकारले हातेमालो गर्न तयार रहेको बताए । सो क्षेत्रबाट प्रदेश सभामा प्रतिनिधित्व गर्ने प्रदेश सभा सदस्य कृष्ण केसी नमुनाको प्रयासमा पुगेका समाजिक किास मन्त्री बरालले सो क्षेत्रका विद्यालयको अवलोकन गर्नुको साथै साक्षरता अभियानको लागि सहयोग गर्ने प्रतिबद्धता जनाए ।

मन्त्री बरालले प्रदेश सरकारको ४० लाख आर्थिक सहयोगमा राप्तीसोनारी गाउपालिका ७ को नेरामाविको नवनिर्मित चारकोठे भवनको औपचारिक उद्घाटन समेत गरेका थिए । ‘बघौडा क्षेत्र खासगरी राप्तीसोनारी र नरैनापुरको विकासको लागि प्रदेशको सामाजिक विकास मन्त्रालयबाट हुनसक्ने संभावनाको लागि मन्त्रीज्यु सहितको टोली नरैनापुर पुगेका हौ’– प्रदेश सांसद नमुनाले भनिन ।

उनले आफु सो क्षेत्रबाट निर्वाचित भएपछि सो क्षेत्रमा बाटो, बिद्युत, सञ्चार, स्वास्थ्य र शिक्षाको विकासका लागि विभिन्न क्षेत्रसंगको समन्वयमा पहल गर्दै आईरहेको बताईन । केहीसमय अघिसम्म बाटोको कारण नरैनापुर पुग्न दिनभर लाग्ने अवस्था निर्माणको अन्तिम चरणमा पुगेको हुलाकी सडकले सजह बनाएको र अब केही महिना भित्रै विजुली पुराउने तयारीमा रहेको उनी बताउछिन ।

प्रकाशित मिति: शनिबार, कात्तिक ३०, २०७६ ११:११

प्रतिक्रिया दिनुहोस्