बाँकेको जम्बो टोलीले गर्‍यो राप्तीसोनारीका बिकासे योजनाको अनुगमन

समाचार

गृहपृष्ठ
समाचार
बाँकेको जम्बो टोलीले गर्‍यो राप्तीसोनारीका बिकासे योजनाको अनुगमन

बाँकेको जम्बो टोलीले गर्‍यो राप्तीसोनारीका बिकासे योजनाको अनुगमन

सोमबार, कात्तिक २४, २०७७ बागेश्वरी पोस्ट

राप्तीसोनारी (बाँके) । राप्तीसोनारी गाउँपालिकामा भइरहेका विकास निर्माणको अनुगमन गरिएको छ ।

राप्तीपारीका केही विकास निर्माणका कार्यमा ढिलासुस्ती देखिएपछि बाँकेका प्रमुख जिल्ला अधिकारी राम बहादुर कुरुम्बाङ, राप्तीसोनारी गाउँपालिकाका अध्यक्ष लहुराम थारु, प्रतिनिधिसभा सदस्य महेश्वरजंग गहतराज अथक, बाँकेका सशस्त्र प्रहरी प्रमुख एसपी अशोक बम लगायत विभिन्न कार्यालयका प्रमुखहरुको टोलीले त्यस क्षेत्रको अनुगमन गरेको हो ।

हुलाकी सडक, बैजापुरको मोरङ्गा खोलामा बन्दै गरेको पुल, राप्तीपारीको विद्युतीकरण, सिक्टा सिंचाई आयोजनाको काम, ढलैया सडक लगायतको कामको अनुगमन गरिएको हो । विकास निर्माणको जिम्मेवारी लिएका ठेकेदार कम्पनीहरुले छिटो-छरितो ढङ्गले तीब्र गतिमा काम अगाडि बढाउन भन्ने उद्देश्यले अनुगमन गरिएको बताइएको छ ।

अनुगमन टोलीमा नेपाल विद्युत प्राधिकरण लुम्बिनी प्रदेश डिभिजन कार्यालय नेपालगञ्जका प्रमुख मुनेन्द्र ठाकुर, सडक डिभिजन कार्यालय नेपालगंजका प्रमुख होम बहादुर एसी, हुलाकी सडक नेपालगञ्जका प्रमुख गागल बहादुर भण्डारी, बाँके प्रहरी प्रमुख ओम बहादुर राना, केही ठेकेदार कम्पनीका प्रतिनिधि र पत्रकारहरुको समेत सहभागिता रहेको थियो ।

अनुगमनका क्रममा बैजापुरको मोरङ्गा खोलाको पुल र राप्तीपारीको विद्युतीकरणमा ठेकेदार कम्पनीको लापरवाहीका कारण ढिला सुस्ती भएको वताइएको छ ।

प्रकाशित मिति: सोमबार, कात्तिक २४, २०७७ २१:१९

प्रतिक्रिया दिनुहोस्