बाँकेमा कोरोनाबाट फेरि अर्को मृत्यु, एकै दिन ३ जनाको ज्यान गयो

समाचार

गृहपृष्ठ
समाचार
बाँकेमा कोरोनाबाट फेरि अर्को मृत्यु, एकै दिन ३ जनाको ज्यान गयो

बाँकेमा कोरोनाबाट फेरि अर्को मृत्यु, एकै दिन ३ जनाको ज्यान गयो

सोमबार, कात्तिक २४, २०७७ बागेश्वरी पोस्ट

सांंकेतिक तस्बिर

नेपालगन्ज । कोरोना संक्रमणबाट बाँकेमा एकै दिन ३ जनाको मृत्यु भएको छ ।

बर्दियाका दुई पुरुष र दाङका एक पुरुषको बाँकेमा उपचारका क्रममा मृत्यु भएको छ । ठाकुरबाबा नगरपालिका वडा नम्बर २ का २९ वर्षीय पुरुषको दिउँसो पौने २ बजे नेपालगन्ज मेडिकल कलेज कोहलपुर, बाँसगढी नगरपालिका ८ का ३५ वर्षीय पुरुषको वेष्टर्न अस्पताल नेपालगन्जमा राति सवा ८ बजे र घोराही उपमहानगरपालिका वडा नम्बर १५ का ६४ वर्षीय पुरुषको भेरी अस्पतालमा राति ९.०९ बजे मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । २९ वर्षीय पुरुषमा मृत्युपछि कोरोना पुष्टि भएको हो ।

उनी हिजो साँझ अस्पताल भर्ना भएका थिए । ३५ वर्षीय पुरुष भने चोटपटक लागेर खुट्टाको जोर्नी खुस्केको अवस्थामा वेष्टर्न अस्पताल भर्ना भएका थिए ।

दाङका पुरुष पनि हिजो अस्पताल भर्ना भएका हुन् । यो संगै बाँकेमा बाहिरी जिल्लाबाट उपचारका लागि आएका ३२ जना कोरोना संक्रमितको मृत्यु भएको छ ।

प्रकाशित मिति: सोमबार, कात्तिक २४, २०७७ २२:४९

प्रतिक्रिया दिनुहोस्