निःशुल्क कोरोना जाँचका लागि किर्ते सिफारिस बनाउने तीन जना पक्राउ

समाचार

गृहपृष्ठ
समाचार
निःशुल्क कोरोना जाँचका लागि किर्ते सिफारिस बनाउने तीन जना पक्राउ

निःशुल्क कोरोना जाँचका लागि किर्ते सिफारिस बनाउने तीन जना पक्राउ

बुधबार, कात्तिक २६, २०७७ बागेश्वरी पोस्ट

नेपालगञ्ज । निःशुल्क कोरोना जाँचका लागि किर्ते सिफारिस बनाइदिएर रकम असुल्ने तीन जना भेरी अस्पतालबाट पक्राउ परेका छन् ।

जिल्ला प्रहरी कार्यालय बाँकेका अनुसार अस्पतालका दुई जना सुरक्षागार्ड र एक जना कार्यालय सहयोगीलाई आज दिउँसो पक्राउ गरिएको हो । चिकित्सकले गरिब तथा असहाय विरामीका लागि लेखिदिने निःशुल्क कोरोना परिक्षण सिफारिस पत्रमा किर्ते हस्ताक्षर गरी रकम असुल गरेको आरोपमा उनीहरुलाई पक्राउ गरिएको जिल्ला प्रहरी कार्यालय बाँकेले जनाएको छ ।

गरिब तथा कोरोनाका लक्षण वा चिन्ह देखिएकाको मात्र भेरी अस्पतालमा निःशुल्क पिसिआर परिक्षण हुँदै आएको थियो । तर, उनीहरुले सर्वसाधारणबाट पैसा लिएर निःशुल्क जाँचका लागि किर्ते सिफारिस बनाइदिने गरेको बताइएको छ । घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बुधबार, कात्तिक २६, २०७७ १६:३८

प्रतिक्रिया दिनुहोस्