उपाध्यक्ष गौतमले सर्वोच्च अदालतबाट सफाई पाएपछि सबैलाई दिए धन्यवाद

राजनीति

गृहपृष्ठ
राजनीति
उपाध्यक्ष गौतमले सर्वोच्च अदालतबाट सफाई पाएपछि सबैलाई दिए धन्यवाद

उपाध्यक्ष गौतमले सर्वोच्च अदालतबाट सफाई पाएपछि सबैलाई दिए धन्यवाद

अन्तरिम आदेश आज सोही अदालतको संवैधानिक इजलासले खारेज

बुधबार, कात्तिक २६, २०७७ बागेश्वरी पोस्ट

नेपाल कम्युनिष्ट पार्टी (नेकपा)का उपाध्यक्ष वामदेव गौतम

नेपालगञ्ज । सत्तारुढ दल नेपाल कम्युनिष्ट पार्टी (नेकपा)का उपाध्यक्ष वामदेव गौतमले सर्वोच्च अदालतबाट सफाई पाएपछि सबैलाई धन्यवाद दिएका छन् । बुधबार संवैधानिक इजलाशले गौतमलाई राष्ट्रियसभा सदस्यमा नियुक्त भएकोमा बदर गर्न माग गर्दै परेको रिटमा अन्तरिम आदेश नहुने फैसला गरेको थियो ।

गौतमलाई राष्ट्रियसभा सदस्य पदमा मनोनयन र शपथ लगत्तै थप संवैधानिक जिम्मेवारी नदिइयोस् भनी सर्वोच्च अदालतमा दायर भएको रिट उपर जारी भएको अन्तरिम आदेश आज सोही अदालतको संवैधानिक इजलासले खारेज गरेको हो ।

उनले उक्त विषय पद र प्रतिष्ठासँग नगाँसिएको दाबी गरेका छन् । उपाध्यक्ष गौतमले प्रत्येक विषयलाई पद र व्यक्तिगत प्रतिष्ठासँग गाँसेर विधि र पद्धतिका कुरालाई विषयान्तर गर्न केही व्यक्तिहरु क्रियाशील भएको बताएका छन् ।

‘वास्तवमा यो विषय कुनै पद र प्रतिष्ठासँग गाँसिएको थिएन । हामी पार्टीभित्र विधि र पद्धति स्थापित गर्ने अभियानमा सरिक भइरहेको बेला प्रत्येक विषयलाई पद र व्यक्तिगत प्रतिष्ठासँग गाँसेर विधि र पद्धतिका कुरालाई विषयान्तर गर्न केही व्यक्तिहरु क्रियाशील भए’, उनले भनेका छन् ।

उपाध्यक्ष गौतमले आफू संविधानको सर्वोच्चता तथा विधि र पद्धतिका पक्षमा उभिएको बताएका छन् ।

‘फेरि पनि म संविधानको सर्वोच्चता तथा विधि र पद्धतिका पक्षमा दृढताका पूर्वक उभिइरहने प्रण गर्दछु’, उनले भनेका छन् ।

राष्ट्रपति कार्यालय, प्रधानमन्त्री तथा मन्त्रिपरिषद कार्यालय, राष्ट्रियसभा सचिवालय, नेकपा र सांसद गौतमलाई विपक्षी बनाई वरिष्ठ अधिवक्ता दिनेश त्रिपाठीले नेता गौतमलाई राष्ट्रियसभामा मनोनयन गर्ने राष्ट्रपतिको गत भदौ २९ को निर्णय बदर गर्न माग गर्दै रिट निवेदन दायर गरेका थिए ।

प्रकाशित मिति: बुधबार, कात्तिक २६, २०७७ १८:२९

प्रतिक्रिया दिनुहोस्