सशस्त्र प्रहरीद्वारा सीमामा अझ कडाई, फेरि अवैध सामान बरामद

समाचार

गृहपृष्ठ
समाचार
सशस्त्र प्रहरीद्वारा सीमामा अझ कडाई, फेरि अवैध सामान बरामद

सशस्त्र प्रहरीद्वारा सीमामा अझ कडाई, फेरि अवैध सामान बरामद

बिहीबार, कात्तिक २७, २०७७ बागेश्वरी पोस्ट

नेपालगञ्ज । तिहार नजिकिँदै गर्दा सशस्त्र प्रहरीले सीमा नाकामा अझ कडाई गरेको छ ।

हिजो आज भन्सार छली गरेर ल्याइरहेको अवैध सामग्री दिनहुँजसो बरामद गरिरहेको सशस्त्र प्रहरी बाँकेले तिहार नजिकिएसंगै नाकामा हुने चोरी पैठारी, लागूऔषध ओसारपसार, मानव वेचबिखन जस्ता सबैखाले आपराधिक घटना रोक्न सशस्त्र प्रहरी दिनरात लागिपरेको छ ।

यसै क्रममा आज विहान पनि नेपालगञ्ज उपमहानगरपालिका वडा नम्बर १५ टंकपसेरीस्थित दशगजा नजिक भारतबाट नेपालतर्फ अवैधरुपमा ल्याइँदै गरेको सामग्री बरामद गरेको छ । सवा ११ बजेतिर सशस्त्र प्रहरी निरिक्षक जीवनलाल बुढोका कमाण्डामा खटिएको ७ जनाको गस्ती टोलीले लत्ताकपडा, मोटरसाइकलको रिंग, केराउ र जुत्ता बरामद गरेको हो ।

युपी ३२ ईई ४२५५ नम्बरको मोटरसाइकलमा ल्याइरहेको अवस्थामा सशस्त्र प्रहरीलाई देखेर सामान र मोटरसाइकल छाडेर तस्कर भागेको सशस्त्र प्रहरीले जनाएको छ । १ लाख २२ हजार ३ सय ५० मूल्य बराबरका ती सामग्री आवश्यक कारबाहीका लागि भन्सार कार्यालय पठाइएको छ ।

प्रकाशित मिति: बिहीबार, कात्तिक २७, २०७७ १३:५१

प्रतिक्रिया दिनुहोस्