राजमार्गमा जबर्जस्ती पैसा असुली गर्ने गिरोह पक्राउ

समाचार

गृहपृष्ठ
समाचार
राजमार्गमा जबर्जस्ती पैसा असुली गर्ने गिरोह पक्राउ

राजमार्गमा जबर्जस्ती पैसा असुली गर्ने गिरोह पक्राउ

मंगलबार, मंसिर २, २०७७ बागेश्वरी पोस्ट

सांकेतिक तस्बिर

नवलपरासी पश्चिम । राजमार्गमा जबर्जस्ती पैसा असुली गर्ने गिरोहलाई प्रहरीले पक्राउ गरेको छ। नवलपरासी पश्चिमको पुर्व पश्चिम राजमार्गमा लमजुङ देखि रुपन्देही आउँदै गरेको गाडीमा जबरजस्ती रोकी पैसा असुलेको आरोपमा ६ जनालाई प्रहरीले नियन्त्रणमा लिएको छ।

बर्दघाट नगरपालिका वडा नं ४ को हाइवे चोकमा कुखुरा लोड गरेको जिपमा ती गिरोहको समुहले उक्त जिपका ड्राइभरसंग जबरजस्ती बिल,भेटनरी देखाउ भनी केही कुखुराहरु समेत नष्ट गरेका थिए । प्रदेशको जिप ०३- ००१ च ०२२० नम्बरको गाडीमा पैसा असुलेको र केही कुखुरा नष्ट गरेको आरोपमा उनिहरुलाई नियन्त्रणमा लिइएको जिल्ला प्रहरी कार्यालय नवलपरासी पश्चिमले जानकारी दिएको छ ।

पक्राउ पर्नेहरु बर्दघाट नगरपालिका वडा नं ४ बस्ने बर्ष २४ का कमल राना र सोही ठाउँ बस्ने बर्ष २४ कै मनिष कुवर, बर्ष २३ का संजय सुनार, २९ बर्षका सुजनमान श्रेष्ठ, ३१ बर्षका निर्मल खरेल र बर्ष ३० का सुजन तिमिल्सिना रहेका छन् ।

उनिहरुलाई नियन्त्रणमा लिइ थप अनुसंधान भइरहेको एसपी अजय केसीले जानकारी दिएका छन् ।

प्रकाशित मिति: मंगलबार, मंसिर २, २०७७ १४:२०

प्रतिक्रिया दिनुहोस्