दाङको घोराहीबाट साढे २ लाख रुपैयाँसहित सात जुवाडे पक्राउ

समाचार

गृहपृष्ठ
समाचार
दाङको घोराहीबाट साढे २ लाख रुपैयाँसहित सात जुवाडे पक्राउ

दाङको घोराहीबाट साढे २ लाख रुपैयाँसहित सात जुवाडे पक्राउ

मंगलबार, मंसिर २, २०७७ बागेश्वरी पोस्ट

फाइल फोटो

दाङ । प्रहरीले दाङको घोराहीबाट ७ जना जुवाडेहरुलाई पक्राउ गरेको छ।प्रहरीले पक्राउ गरेका जुवाडेहरुको साथबाट साढे दुई लाख रुपैयाँ भन्दा बढी रकम समेत बरामद गरेको छ।

पक्राउ पर्नेमा जुवाखालका मालिक घरधनी घोराही उपमहागनरपालिका वडा नं १६ मुनाटोलका ४४ वर्षीय गोपाल भनिने पूर्णराज भण्डारी, ४० वर्षीय शिवराज भनिने प्रेमराज भण्डारी, २८ वर्षीय विवेक भण्डारी, ३६ वर्षीय तेजप्रसाद गिरी, ३८ वर्षीय डम्मर डिसी, घोराही १७ का ३४ वर्षीय किशोर बुढा मगर र २७ वर्षीय अजय भुसाल रहेका छन्। प्रहरीका अनुसार उनीहरूको साथबाट दुई लाख ६८ हजार तीन सय १५ रुपैयाँ नगद, खोलिएको ६ गड्डी तास बरामद गरिएको छ।

प्रहरीले बिशेष सूचनाका आधारमा आज बिहान छापा हानी उनीहरुलाई पक्राउ गरेको हो। पक्राउ परेकाविरूद्ध जुवा ऐन अन्तर्गत मुद्दा चलाउने तयारी भइरहेको दाङ प्रहरीले जानकारी दिएको छ।

प्रकाशित मिति: मंगलबार, मंसिर २, २०७७ १५:४५

प्रतिक्रिया दिनुहोस्