कांग्रेसका पुर्व क्षेत्रीय सभापति रेशम बहादुर भण्डारीको निधन

राजनीति

गृहपृष्ठ
राजनीति
कांग्रेसका पुर्व क्षेत्रीय सभापति रेशम बहादुर भण्डारीको निधन

कांग्रेसका पुर्व क्षेत्रीय सभापति रेशम बहादुर भण्डारीको निधन

आइतबार, मंसिर ७, २०७७ बागेश्वरी पोस्ट

फाइल फोटो

तुलसीपुर । दाङ कांग्रेसका पुर्व क्षेत्रीय सभापति रेशम बहादुर भण्डारीको निधन भएको छ। कुर्सीबाट लडेर गम्भीर घाइते हुनुभएका पूर्वगाविस अध्यक्ष समेत रहनु भएका भण्डारीको उपचारका क्रममा निधन भएको हो ।

शनिबार साँझ ५ बजेतिर कुर्सीबाट लडेर गम्भीर घाइते हुनुभएका तत्कालीन उरहरी गाविस अध्यक्ष रेशमबहादुर भण्डारीको उपचारका क्रममा राति ११ बजेतिर निधन भएको दाङ कांग्रेसका युवा नेता खिम बहादुर ओलीले जानकारी दिनुभएको छ ।

कुर्सीबाट लडेर टाउकोमा गम्भीर चोट लागेका तुलसीपुर उपमहानगरपालिका ११ निवासी ७६ वर्षीय भण्डारीको राप्ती प्रादेशिक अस्पताल तुलसीपुरमा सामान्य उपचारपछि भैरहवामा थप उपचार हुँदै गर्दा निधन भएको युवा नेताले ओलीले बताउनुभयो ।

उहाँको टाउकोमा आन्तरिक रक्तस्राव भएको थियो । भण्डारी विगत लामो समयदेखि अस्वस्थ रहँदै आउनुभएको थियो। भण्डारी साविक उरहरी गाविसको अध्यक्ष हुनुका साथै उरहरी गाउँ पञ्चायतको प्रधानपञ्चसमेत रहनुभएका थियो। उहाँले करिब दुई दशक सत्तामा रहेर काम गर्नुभएको थियो।

साथै उहाँले नेपाली कांग्रेसको तत्कालीन दाङ क्षेत्र नं ४ को सभापति, अमर मावि उरहरीका पूर्वअध्यक्ष भएर समेत काम गर्नुभएको थियो । उहाँका चार छोरा छन् ।

प्रकाशित मिति: आइतबार, मंसिर ७, २०७७ ०८:४९

प्रतिक्रिया दिनुहोस्