कुटनीतिक मर्यादालाई कुल्चेर चिनियाँ राजदूत यान्छी प्रचण्ड निवास खुमलटारमा

राजनीति

गृहपृष्ठ
राजनीति
कुटनीतिक मर्यादालाई कुल्चेर चिनियाँ राजदूत यान्छी प्रचण्ड निवास खुमलटारमा

कुटनीतिक मर्यादालाई कुल्चेर चिनियाँ राजदूत यान्छी प्रचण्ड निवास खुमलटारमा

सोमबार, मंसिर ८, २०७७ बागेश्वरी पोस्ट

फाइल फोटो

काठमाडौं । चीनले एकता गराइदिएको नेकपाको एकता बचाइराख्न फेरि सक्रिय भुमिका खेल्न सुरु गरेको छ। सोही क्रममै कुटनीतिक मर्यादालाई कुल्चेर नेपालका लागि चिनियाँ राजदूत हाउ यान्छी नेकपाका अध्यक्ष पुष्पकमल दाहाल प्रचण्ड निवास खुमलटार पुगेकी छिन् ।

सोमबार बिहान खुमलटार पुगेर यान्छीले पार्टी एकतालाई कुनै पनि हालतमा फुट्न नदिन भूमिका खेल्न प्रचण्डसँग आग्रह गरेकी छिन् । उनले चीन सरकारको सन्देश फेरि पनि प्रचण्डको कानमा पार्दै अहिलेको एकता र प्रधानमन्त्री एवं नेकपा अध्यक्ष केपी शर्मा ओलीको निरन्तरतालाई सघाउन आग्रह गरेकी हुन् ।

यान्छीले नेकपा फुटाउने अनेक षड्यन्त्रहरु भइरहेको भन्दै षड्यन्त्रको पछि लाग्नुभन्दा एकतालाई अझ मजबुद बनाउन आग्रह गरेकी छिन् । यान्छीले गत मंसिर २ गते राति ओलीलाई प्रधानमन्त्रीको सरकारी निवास बालुवाटारमा दुई घण्टा भेटेर एकताको विकल्प नसोच्न आग्रह गरेकी थिइन् । उक्त दिन चीनले चार वटा छुट्टाछुट्टै समूह बनाएर नेकपाका नेताहरुलाई भेटेको थियो ।

त्यस्तै चिनियाँ रक्षामन्त्रीसमेत आउँदै गर्दा नेकपाको फुटको संघार टर्ने अपेक्षा गरिएको छ । प्रचण्डले गत कार्तिक २८ गते राजनीतिक प्रतिवेदन पेश गर्दै १९ पृष्ठ लामो प्रतिवेदनमा ओलीको असफलताको फेहरिस्त बाहिर ल्याएका थिए ।

त्यसपछि जोसिएका ओलीले पनि १० दिनको समय मागेर प्रचण्डका कुकार्यहरुको फेहरिस्त उतार्ने बुझिएको छ । उक्त सचिवालय बैठक मंसिर १३ गते बस्दैछ । तर चिनियाँ रक्षामन्त्रीको नेपाल आगमनले उक्त सचिवालय प्रभावित हुन सक्ने आशंका गरिएको छ ।

प्रकाशित मिति: सोमबार, मंसिर ८, २०७७ १२:२९

प्रतिक्रिया दिनुहोस्