चकलेट किन्न गएकी ६वर्षीया बालिकाको हत्या

समाचार

गृहपृष्ठ
समाचार
चकलेट किन्न गएकी ६वर्षीया बालिकाको हत्या

चकलेट किन्न गएकी ६वर्षीया बालिकाको हत्या

मंगलबार, मंसिर ९, २०७७ बागेश्वरी पोस्ट

सांंकेतिक तस्बिर

बर्दिबास। चकलेट किन्न गएकी एक बालिकाको हत्या भएको छ।महोत्तरीको बर्दिवास नगरपालिकाको वडा नम्बर १४ निवासी शहिद आलमकी ६ वर्षीया छोरी गुलाब साह खातुनको हत्या भएको हो ।

ती बालिका आइतबार साँझदेखि वेपत्ता थिइन् । उनको शव सोमबार राति घर नजिकैको खेतमा फेला परेको छ । बालिकाको हत्या गरेर बोरामा फ्याँकिएको अवस्थामा राति १ बजेतिर शव फेला परेको इलाका प्रहरी कार्यालय बर्दिवासले जानकारी दिएको छ।

बालिकाको बलात्कार गरेर हत्या गरिएको आशंका स्थानीयले गरेका छन् । पोष्टमार्टमको रिपोर्ट नआएसम्म केही भन्न नसकिने प्रहरीले जानकारी दिएको छ । बालिकाको हत्याको आरोपमा प्रहरीले एक जनालाई पक्राउ गरेको छ ।

पक्राउ पर्नेमा गौशाला नगरपालिका ५ घर भई बर्दिवासमा किराना पसल सन्चालन गर्दै आएका २५ वर्षीय अरुण कुमार साह रहेका छन् । साहले हत्या गरेको स्वीकारेका छन् ।’ चकलेट किन्न गएकी बालिकालाई लुकाएर साहले हत्या गरेको प्रारम्भिक अनुसन्धानबाट खुलेको प्रहरीले जानकारी दिएको छ । उनले बलात्कार गरेर हत्या गरेका हुन् कि होइनन् भन्ने कुराको अनुसन्धान भने भइरहेको प्रहरीले जानकारी दिएको छ।

प्रकाशित मिति: मंगलबार, मंसिर ९, २०७७ ०९:३३

प्रतिक्रिया दिनुहोस्