बिरोध प्रदर्शनमा प्रहरीको गोली लागेर एक जनाको मृत्यु

समाचार

गृहपृष्ठ
समाचार
बिरोध प्रदर्शनमा प्रहरीको गोली लागेर एक जनाको मृत्यु

बिरोध प्रदर्शनमा प्रहरीको गोली लागेर एक जनाको मृत्यु

बुधबार, मंसिर १०, २०७७ बागेश्वरी पोस्ट

सांंकेतिक तस्बिर

महोत्तरी । बिरोध प्रदर्शनलाई दबाउन प्रहरीले चलाएको गोली लागेर एक जनाको मृत्यु भएको छ। महोत्तरीको बर्दिबासमा बालिका हत्याको बिरोध प्रदर्शनको क्रममा प्रहरीको गोली लागेर घाइते भएका ४० बर्षीय ब्यक्तिको मृत्यु भएको छ ।

गोली लागेर मृत्यु हुनेमा बर्दिवास नगरपालिका वडा नम्बर १ बस्ने ४० वर्षीय बुद्धिराज न्यौपाने रहेको प्रहरीले जानकारी दिएको छ। दुवै तीघ्रामा गोली लागेर घाइते भएका न्यौपानेलाई हेलिकप्टरमार्फत् काठमाडौंस्थित ग्रान्डी अस्पतालमा ल्याइए पनि उनको उपचारका क्रममा मृत्यु भएको हो।

बर्दिवास नगरपालिका १४ की ६ वर्षीया बालिकाको हत्याको विरोधमा प्रदर्शनमा उत्रिएका स्थानीयले पूर्वपश्चिम राजमार्ग अन्तर्गत बर्दिवासमा मंगलबार सडक अवरुद्ध पारेका थिए । राजमार्ग खुलाउन प्रहरीले दर्जनौं राउन्ड अश्रुग्यास र गोली चलाएको थियो । गोली लागेर तीनजना घाइते भएका थिए ।

घाइतेमध्ये एक जनाको मृत्यु भएपछि जिल्ला सुरक्षा समितिको बैठक बसिरहेको छ । अवस्था तनाबपुर्ण बनेपछि अहिले पनि राजमार्ग क्षेत्रमा ठूलो संख्यामा नेपाल प्रहरी र सशस्त्र प्रहरी परिचालन गरिएको छ ।

प्रकाशित मिति: बुधबार, मंसिर १०, २०७७ १०:००