राजसंस्था पुनःस्थापनाको माग राख्दै नेपालगन्जमा शक्ति प्रदर्शन(फोटो फिचरसहित)

राजनीति

गृहपृष्ठ
राजनीति
राजसंस्था पुनःस्थापनाको माग राख्दै नेपालगन्जमा शक्ति प्रदर्शन(फोटो फिचरसहित)

राजसंस्था पुनःस्थापनाको माग राख्दै नेपालगन्जमा शक्ति प्रदर्शन(फोटो फिचरसहित)

शनिबार, मंसिर १३, २०७७ बागेश्वरी पोस्ट

नेपालगन्ज । नेपालगन्जमा आज हिन्दूवादीहरुले मोटरसाइकल र्‍यालीसहितको शक्ति प्रदर्शन गरेका छन् । राष्ट्रिय प्रजातन्त्र पार्टीको अगुवाइमा हिन्दूवादीहरुले आज हिन्दु राष्ट्र र राजसंस्था पुनःस्थापनाको माग राख्दै नेपालगन्जमा शक्ति प्रदर्शन गरेेेका छन् ।

बागेश्वरी मन्दिर अगाडीबाट सुरु भई धम्बोझी चोकमा समापन भएको र्‍यालीमा हजारौंको संख्याका मोटरसाइकलसहित आएका हिन्दूवादीहरुले नेपाललाई धर्मसापेक्ष हिन्दु राष्ट्र घोषणा, राजसंस्था पुनःस्थापना, संघीयता खारेजीको माग राख्दै शक्ति प्रदर्शन गरेका हुन् । शक्ति प्रदर्शनको कमान्ड राप्रपाका केन्द्रीय सदस्य ऋषिराज देवकोटाले सम्हालेका थिए।राजसंस्थाको पुनःस्थापनाको माग राख्दै गरिएको शक्ति प्रदर्शनमा मोटरसाइकलमा मात्रै नभई गाडी,अटो, रिक्सा र साइकलमा समेत हिन्दुबादीहरु आएका थिए।शक्ति प्रदर्शनमा नेपालगन्जका मेयर डा. धवल शम्शेर राणा,नेपालगन्ज ४ का अध्यक्ष एबम राप्रपाका युवा नेता मो. सफिक बेहना लगायत अन्य नेताहरुको उपस्थिति रहेको थियो।