डीआईजी विश्वराज पोखरेल नेपाल प्रहरीको एआईजीमा बढुुवाका लागि सिफारिस

राजनीति

गृहपृष्ठ
राजनीति
डीआईजी विश्वराज पोखरेल नेपाल प्रहरीको एआईजीमा बढुुवाका लागि सिफारिस

डीआईजी विश्वराज पोखरेल नेपाल प्रहरीको एआईजीमा बढुुवाका लागि सिफारिस

सोमबार, मंसिर १५, २०७७ बागेश्वरी पोस्ट

डीआईजी विश्वराज पोखरेल

काठमाडौं। डीआईजी विश्वराज पोखरेल नेपाल प्रहरीको प्रहरी अतिरिक्त महानिरीक्षक (एआईजी) पदमा बढृवाका लागि सिफारिस भएका छन। बढृवा समितिको सोमबार बसेको बैठकले नेपाल प्रहरीमा थप गरिएको एक एआईजीको दरबन्दीमा पोखरेललाई बढुवा सिफारिस गरेको हो।

गृह सचिव महेश्वर न्यौपानेको अध्यक्षतामा सोमबार साँझ बढुवा समितिको बैठक बसेको थियो। पोखरेलको नाम एआइजीमा सिफारिस भएसँगै सरकारले स्वीकृत गरेमा नेपाल प्रहरीका वर्तमान आईजीपी शैलेश थापा क्षेत्रीको कार्यकालपछि उनी एक्लो दाबेदारका रुपमा रहनेछन। वर्तमान महानीरिक्षक क्षेत्रीको कार्यकाल २०७९ वैशाख १९ सम्म छ।

डिआइजी पोखरेल हाल महानगरीय प्रहरी कार्यालय रानीपोखरीमा कार्यरत छन्। सरकारले नेपाल प्रहरीमा एक जना एआईजी र पांच जना डिआईजीको दरबन्दी थप्ने निर्णय गरेको थियो ।

सरकारले २ मंसिरमा बसेको मन्त्रीपरिषद् बैठकबाट एआईजीको एक दरबन्दी थप गर्ने निणर्य लिएको थियो। पोखरेलसँगै उनकै ब्याची रहेका डीआइजीहरु सहकुल थापा, धिरजप्रताप सिंह लगायत पनि एआइजी बढुवाको लाइनमा थिए।

डीआईजी सुशील भण्डारीको काभ्रेमा सवारी दुर्घटनामा परि निधन भएपछि सरकारले पोखरेललाई २०७६ वैशाख १९ मा एसएसपीबाट डीआईजीमा बढुवा गरेको थियो।