बाँकेको राप्तीसोनारीमा बस दुर्घटना, दर्जन बढी घाइते

समाचार

गृहपृष्ठ
समाचार
बाँकेको राप्तीसोनारीमा बस दुर्घटना, दर्जन बढी घाइते

बाँकेको राप्तीसोनारीमा बस दुर्घटना, दर्जन बढी घाइते

तीन जनाको अवस्था गम्भीर

सोमबार, मंसिर २, २०७६ बागेश्वरी पोस्ट

कुसुम( बाँके )। बाँकेको बाघखोरमा बस दुर्घटना भएको छ । तुल्सिपुरबाट नेपालगञ्ज आउँदै गरेको ना ५ ख ६४४९ नम्बरको यात्रुबाहक बस सोमबार बिहान पौने ८बजे बाँकेको राप्तिसोनारी गाउँपालिका वडा नम्बर १ मा पर्ने बाघखोर मोडमा दुर्घटना भएको हो। तीब्र गतिमा रहेको सो बस सडकबाट ८० मिटर तल खसेर दुर्घटना भएको जिल्ला ट्राफिक कार्यालय बाँकेले जानकारी दिएको छ । दुर्घटनामा परी दर्जनबढी यात्रु घाइते भएको र ११ जना घाइतेलाई नेपालगञ्ज मेडिकल कलेज शिक्षण अस्पताल कोहलपुर ल्याईएको छ । घाइते मध्य तीन जनाको अवस्था गम्भीर रहेको छ । दुर्घटनामा घाइते मध्य रुकुम चौरझारी १३ का ५३ बर्षिय दलबहादुर मल्ल, दाङ तुल्सिपुर १४ का ४० वर्षिय दिलबहादुर बस्नेत र गाडीका सह चालक राप्तिसोनारी वडा नम्बर ३ का मानबहादुर बस्नेत गम्भीर रहेका छन् । यसैगरी तुलसीपुरकी आसा बस्नेत, कोहलपुर नगरपालिका वडा नम्बर ११ कि जानकी पुनलगायतलाई उपचारका लागि नेपालगञ्ज मेडिकल कलेज शिक्षण अस्पताल कोहलपुर ल्याईएको छ ।

प्रकाशित मिति: सोमबार, मंसिर २, २०७६ १२:३७

प्रतिक्रिया दिनुहोस्