नरैनापुरका किशोरीका लागि दुई दिने सञ्चार सीप तालिम

समाचार

गृहपृष्ठ
समाचार
नरैनापुरका किशोरीका लागि दुई दिने सञ्चार सीप तालिम

नरैनापुरका किशोरीका लागि दुई दिने सञ्चार सीप तालिम

शनिबार, मंसिर २०, २०७७ बागेश्वरी पोस्ट

नेपालगञ्ज । बाँकेको नरैनापुर गाउँपालिकाका किशोरीहरुका लागि सञ्चालित दुई दिने सञ्चार सीप तालिम आज सम्पन्न भएको छ ।

प्लान इन्टरनेशनल नेपाल क्षेत्रीय कार्यालय सुर्खेतको साझेदारीमा सामाजिक सचेतना सरोकार मञ्च (स्याक) नेपाल बाँकेले बालबिवाह रोकथाम परियोजना अन्तरगत् उज्ज्वल भविष्यको छनोट तथा परिवर्तन सम्वाहकका माध्यमबाट किशोर किशोरीहरुका लागि जीवन उपयोगी सीप सम्बन्धि सञ्चार सीप तालिम दिएको हो ।

कोभिड–१९ को अवस्थालाई मध्यनजर गर्दै भौतिक दुरी कायम गर्दै नरैनापुर गाउँपालिका वडा नम्बर ४ मा गठित कोपिला किशोरी क्लबका १६ जना किशोरीलाई सहभागी गराइएको थियो । तालिममा सञ्चार परिचय, सञ्चारका तत्व, सञ्चार प्रक्रिया, सञ्चार तह, सञ्चार अवरोध, आमसञ्चारका साथै किशोरीले सार्वजनिक गर्नुपर्ने सूचना, किशोरी क्लबको सार्वजनिक सञ्चार, सञ्चार विधि, सरोकारवालासँग सञ्चार विधि, प्रेस विज्ञप्ति लेखन लगायतका विषयमा सहजीकरण गरिएको थियो । तालिममा पत्रकार नवीन गिरीले सहजीकरण गर्नुभएको थियो ।

तालिम उद्घाटनमा नरैनापुर गाउँपालिकाको महिला तथा बालबालिका शाखा प्रमुख कृष्णा कुमारी चन्दले तालिममा सिकेका कुरालाई व्यवहारमा उतार्नुपर्नेमा जोड दिनुभएको थियो । उहाँले बालविवाह विरुद्धको अभियानलाई परिणामुखी बनाउन प्रभावकारी सञ्चार सीप जरुरी रहेको बताउनुभयो । कार्यक्रमको व्यवस्थापन स्याकका फिल्ड सुपरभाइजर त्रिभुवन प्रसाद यादवले गर्नुभएको थियो । तालिम नरैनापुर गाउँपालिका वडा नम्बर ४ दौलतपुरमा आयोजना गरिएको थियो । तालिमको समापन कोपिल किशोरी क्लबकी अध्यक्ष हिमाकुमारी भुषालले गर्नुभएको थियो ।