वालविवाह रोकथामका लागि अभिभावकलाई अभिमुखीकरण

समाचार

गृहपृष्ठ
समाचार
वालविवाह रोकथामका लागि अभिभावकलाई अभिमुखीकरण

वालविवाह रोकथामका लागि अभिभावकलाई अभिमुखीकरण

आइतबार, मंसिर २१, २०७७ बागेश्वरी पोस्ट

नरैनापुर (बाँके) । नरैनापुरको दौलतपुरमा वालविवाह रोकथामका लागि अभिभावकलाई अभिमुखीकरण गरिएको छ ।

प्लान इन्टरनेशल नेपाल क्षेत्रीय कार्यालय सुर्खेतको सहयोग, सामाजिक सचेतना सरोकार मञ्च (स्याक) नेपालको आयोजना एवम् नरैनापुर गाउँपालिकाको समन्वयमा बालविवाह रोकथाम परियोजना अन्तर्गत् वडा नम्बर ४ दौलतपुरमा आज एक दिने अभिभावक शिक्षा कार्यक्रम गरिएको हो । स्थानीय १४ जना अभिभावक सहभागी कार्यक्रममा पत्रकार नवीन गिरीले सहजीकरण गर्नुभएको थियो ।

वालविवाह के हो, बालविवाह गरे वा गराएमा हुने जरिवाना, बालविवाह हुन नदिन वा बालविवाह रोक्न अभिभावकको भूमिका, दायित्व तथा बालविवाहले निम्याउने समस्या, बालविवाह रोक्ने उपाय लगायतका विषयमा सहजीकरण गरिएको थियो ।

त्यस क्रममा नरैनापुर गाउँपालिकाका योजना अधिकृत विजय कुमार यादवले कानुनले वर्जित गरेको बालविवाह हुन नदिनु सबैको साझा दायित्व भएको बताउनुभयो । बालविवाह रोकथाममा अभिभावकको अहम् भूमिका हुने भन्दै उहाँले बालबालिकालाई उचित शिक्षा दिनेतर्फ ध्यान केन्द्रित गर्न आग्रह गर्नुभयो ।

इलाका प्रहरी कार्यालय नरैनापुरका प्रहरी नायब निरिक्षक श्यामराज अर्यालले बालविवाह भइरहेको जानकारी प्रहरीलाई दिन आग्रह गर्दै सबै मिलेर बालविवाह विरुद्ध अभियान थाल्नुपर्ने बताउनुभयो । कार्यक्रमको व्यवस्थापन स्याक नेपालका फिल्ड सुपरभाइजर त्रिभुवन प्रसाद यादवले गर्नुभएको थियो ।