नेपालगन्जका शिक्षा अधिकृतको कोरोनाबाट मृत्यु

समाचार

गृहपृष्ठ
समाचार
नेपालगन्जका शिक्षा अधिकृतको कोरोनाबाट मृत्यु

नेपालगन्जका शिक्षा अधिकृतको कोरोनाबाट मृत्यु

डोटीका पुरुषको पनि ज्यान गयो

आइतबार, मंसिर २८, २०७७ बागेश्वरी पोस्ट

मृतक दानबहादुर बिष्ट

नेपालगन्ज । बाँकेमा कोरोनाबाट थप दुई जनाको मृत्यु भएको छ ।

नेपालगन्ज उपमहानगरपालिका वडा नम्बर ४ का ५० वर्षीय पुरुषको उपचारका क्रममा भेरी अस्पतालमा आज विहान साढे ३ बजे मृत्यु भएको जिल्ला कोभिड-१९ संकट व्यवस्थापन केन्द्र बाँकेका कोरोना फोकल पर्सन तेज वलीले जानकारी दिनुभयो । मृतक नेपालगन्ज उपमहानगरपालिकाको शिक्षा शाखामा कार्यरत अधिकृत दानबहादुर बिष्ट हुनुहुन्छ ।

स्वास्थ्यमा समस्या देखिएपछि मंसिर २४ गते पिसिआर परिक्षण गराउनुभएका उहाँमा २५ गते कोरोना पुष्टि भएको थियो । उहाँ २७ गते भेरी अस्पताल भर्ना हुनुभएको थियो । कडा खालको कोभिडका कारण उहाँको मृत्यु भएको अस्पतालले जनाएको छ । अब बाँकेमा कोरोनाबाट मृत्यु हुनेको संख्या ४१ पुगेको छ ।

त्यस्तै डोटीको दिपायल सिलगढी ५ का ४९ वर्षीय पुरुषको नेपालगन्ज मेडिकल कलेज कोहलपुरमा गएराति पौने ८ बजे उपचारका क्रममा मृत्युु भएको छ। यो संगै बाँकेमा जिल्ला बाहिरका ६८ जनाको मृत्यु भएको छ ।

प्रकाशित मिति: आइतबार, मंसिर २८, २०७७ ०९:०५

प्रतिक्रिया दिनुहोस्