किशोरीहरुका लागि सञ्चालित चार दिने पत्रकारिता तालिम सम्पन्न

समाचार

गृहपृष्ठ
समाचार
किशोरीहरुका लागि सञ्चालित चार दिने पत्रकारिता तालिम सम्पन्न

किशोरीहरुका लागि सञ्चालित चार दिने पत्रकारिता तालिम सम्पन्न

सोमबार, मंसिर २९, २०७७ बागेश्वरी पोस्ट

नेपालगञ्ज । नेपालगञ्ज र जानकीका किशोरीहरुका लागि सञ्चालित चार दिने पत्रकारिता तालिम आज सम्पन्न भएको छ ।

प्लान इन्टरनेशनल नेपाल क्षेत्रीय कार्यालय सुर्खेतको सहयोगमा सामाजिक सचेतना सरोकार मञ्च (स्याक) नेपालको आयोजनामा भएको तालिममा बालविवाह रोकथाम परियोजना अन्तर्गत् गठन भएका किशोरी क्लबसंग आवद्ध किशोरीहरुको सहभागिता थियो ।

तालिममा नेपालगञ्ज उपमहानगरपालिकाका ४, ७, १०, २१ र २२ तथा जानकी गाउँपालिकाको वडा नम्बर ४ मा गठन भएको किशोरी क्लबका ३६ जना किशोरी सहभागी थिए । कोभिड संक्रमणको अवस्थालाई मध्यनजर गर्दै दुई समूह बनाएर २ वटा कक्षा सञ्चालन गरिएको थियो । तालिममा सञ्चार, सञ्चार सीप, आम सञ्चार, पत्रकारिता, समाचार, लेख, प्रेस विज्ञप्ति, ज्ञापनपत्र लेखन लगायतका विषयमा सहजीकरण गरिएको स्याक नेपालका फिल्ड सुपरभाइजर अकलिम खाँले जानकारी दिनुभयो । तालिममा पत्रकारहरु नवीन गिरी र गोपी बुढाले सहजीकरण गर्नुभएको थियो ।

सञ्चार सीप सम्वन्धि ज्ञान प्रदान गर्दै किशोरीहरुको क्षमता अभिबृद्धि गर्न तालिम आयोजना गरिएको स्याक नेपालका बालविवाह रोकथाम परियोजनाका प्रोजेक्ट म्यानेजर जगदिश थापाले बताउनुभयो । तालिम समापनमा प्लान इन्टरनेशनल नेपालकी बालविवाह रोकथाम परियोजना संयोजक आशा बुढा मगरले तालिममा सिकेका कुरा व्यवहारमा उतार्न आग्रह गर्दै बालविवाह विरुद्धको अभियानमा दत्तचित्त भएर लाग्न आह्वान गर्नुभयो । तालिमको व्यवस्थापन फिल्ड सुपरभाइजरद्वय खाँ र अर्मिला रोकायले गर्नुभएको थियो ।

प्रकाशित मिति: सोमबार, मंसिर २९, २०७७ १७:५०

प्रतिक्रिया दिनुहोस्