संवैधानिक परिषद् अध्यादेश जारी, बहुमत सदस्यको उपस्थितिमै बैठक बस्न सक्ने

राजनीति

गृहपृष्ठ
राजनीति
संवैधानिक परिषद् अध्यादेश जारी, बहुमत सदस्यको उपस्थितिमै बैठक बस्न सक्ने

संवैधानिक परिषद् अध्यादेश जारी, बहुमत सदस्यको उपस्थितिमै बैठक बस्न सक्ने

मंगलबार, मंसिर ३०, २०७७ बागेश्वरी पोस्ट

राष्ट्रपति विद्यादेवी भण्डारी

नेपालगन्ज । राष्ट्रपति विद्यादेवी भण्डारीले नेपालको संविधानबमोजिम मन्त्रिपरिषद्को सिफारिसमा संवैधानिक परिषद् (काम, कर्तव्य, अधिकारी र कार्यविधि) सम्बन्धी (पहिलो संशोधन) अध्यादेश २०७७ जारी गरेकी छन् ।

संविधानको धारा, ११४ को उपधारा (१) बमोजिम आज सो अध्यादेश जारी गरिएको राष्ट्रपतिको कार्यालयका प्रवक्ता बद्रिनाथ अधिकारीले जानकारी दिए ।

सरकारले बहुमत सदस्यको उपस्थितिमै संवैधानिक परिषदको बैठक बस्न सक्ने गरी अध्यादेश ल्याएको छ ।
अध्यादेश जारी भएपछि संवैधानिक परिषदका बहुमत सदस्य उपस्थित भएमा बैठक बस्न सक्नेछ । यसअघि परिषद अध्यक्ष र ४ जना सदस्य उपस्थित भएमात्र बैठकका लागि गणपूरक संख्या पुगेको मानिने व्यवस्था थियो ।

परिषदका सदस्यमध्ये हाल उपसभामुख पद रिक्त छ । यो अवस्थामा बाँकी सबै सदस्य उपस्थित भएमात्र बैठकका लागि गणपूरक संख्या पुग्ने थियो ।