नेपालगञ्जमा मेहन्दी एवम् नेल आर्ट शुभारम्भ

समाचार

गृहपृष्ठ
समाचार
नेपालगञ्जमा मेहन्दी एवम् नेल आर्ट शुभारम्भ

नेपालगञ्जमा मेहन्दी एवम् नेल आर्ट शुभारम्भ

बिहीबार, पुस २, २०७७ बागेश्वरी पोस्ट

नेपालगञ्ज । सौन्दर्यकर्मी एवम् इच्छुकहरुका लागि आजदेखि नेपालगञ्जमा सात दिने मेहन्दी एवम् नेल आर्ट शुभारम्भ गरिएको छ । न्यूरोडस्थित गुड न्यू आइटीसी पार्लर एण्ड ट्रेनिङ्ग सेन्टरको आयोजनामा दैनिक दुई चरणमा सञ्चालन हुने नि:शुल्क तालिममा ६० जनालाई सहभागी गराइएको छ । मुम्वई मेहन्दीका नेपाल नम्बर १ मेहन्दी आर्टिष्ट कुलदीप कुमारले पानसमा बत्ती बालेर तालिमको शुभारम्भ गर्नुभएको हो । उहाँले मेहन्दी कला सिकाईले सौन्दर्य वृद्धि मात्र नभई व्यवसाय र पेशा समेत अवलम्वन गर्न सहयोग पुग्ने विश्वास व्यक्त गर्नुभयो । इच्छा शक्तिलाई व्यवसायमा रुपान्तरण गर्न समेत सहभागीलाई उहाँले आह्वान गर्नुभयो । राष्ट्रिय सौन्दर्यकर्मी युनियन नेपालगञ्ज उपमहानगरपालिका कमिटी अध्यक्ष एवं गुड न्यू आइटीसीकी प्रोप्राइटर गीता भण्डारीले मेहन्दी आर्ट जस्तो दुर्लभ अवसरलाई अधिकतम् उपलब्धिमूलक बनाउन सुझाव दिनुभयो । राष्ट्रिय सौन्दर्यकर्मी युनियन कोहलपुर नगर कमिटीकी सचिव सोनिया रानामगरद्वारा सञ्चालित सो तालिम उद्घाटन अवसरमा नेपाल पत्रकार महासंघ लुम्बिनी प्रदेशका सचिव शुक्रऋषि चौलागाईले पनि शुभकामना मन्तव्य दिनुभएको थियो । तालिममा नेल आर्ट, नेल बुट्टा बनाउने, मेहन्दी कलाका विविध पाटोमा कक्षा दिइने गुड न्यू आइटीसीकी प्रोप्राइटर भण्डारीले जानकारी दिनुभयो ।

प्रकाशित मिति: बिहीबार, पुस २, २०७७ १९:०७

प्रतिक्रिया दिनुहोस्