खजुराका किशोरीहरुका लागि चार दिने पत्रकारिता तालिम

समाचार

गृहपृष्ठ
समाचार
खजुराका किशोरीहरुका लागि चार दिने पत्रकारिता तालिम

खजुराका किशोरीहरुका लागि चार दिने पत्रकारिता तालिम

शुक्रबार, पुस ३, २०७७ बागेश्वरी पोस्ट

खजुरा(बाँके) । खजुराका किशोरीहरुका लागि सञ्चालित चार दिने पत्रकारिता तालिम सम्पन्न भएको छ ।

प्लान इन्टरनेशनल नेपाल क्षेत्रीय कार्यालय सुर्खेतको सहयोगमा सामाजिक सचेतना सरोकार मञ्च (स्याक) नेपालको आयोजनामा भएको तालिममा बालविवाह रोकथाम परियोजना अन्तर्गत् गठन भएका किशोरी क्लबसंग आवद्ध किशोरीहरुको सहभागिता थियो । तालिममा लगनशील किशोरी क्लबका १२ जना किशोरी सहभागी थिए । मंसिर २९ गतेदेखि पुष २ गतेसम्म तालिम दिइएको थियो ।

तालिममा सञ्चार, सञ्चार सीप, आम सञ्चार, पत्रकारिता, समाचार, लेख, प्रेस विज्ञप्ति, ज्ञापनपत्र लेखन लगायतका विषयमा सहजीकरण गरिएको स्याक नेपालका फिल्ड सुपरभाइजर कल्पना आचार्यले जानकारी दिनुभयो । तालिममा पत्रकार शंकर प्रसाद खनालले सहजीकरण गर्नुभएको थियो ।

तालिम समापनमा प्लान इन्टरनेशनल नेपालकी बालविवाह रोकथाम परियोजना संयोजक आशा बुढा मगरले तालिममा सिकेका कुरा व्यवहारमा उतार्न आग्रह गर्दै बालविवाह विरुद्धको अभियानमा दत्तचित्त भएर लाग्न आह्वान गर्नुभयो । उहाँले पत्रकारिता तालिममा सिकेका ज्ञानका आधारमा बालविवाह रोकथाम, नियन्त्रण र मुक्त घोषणा गर्न कलम चलाउन आग्रह गर्नुभयो ।

सञ्चार सीप सम्वन्धि ज्ञान प्रदान गर्दै किशोरीहरुको क्षमता अभिबृद्धि गर्न तालिम आयोजना गरिएको स्याक नेपालका बालविवाह रोकथाम परियोजनाका प्रोजेक्ट म्यानेजर जगदिश थापाले बताउनुभयो ।