विभिन्न जिल्लाका सिडिओहरुको सरुवा

समाचार

गृहपृष्ठ
समाचार
विभिन्न जिल्लाका सिडिओहरुको सरुवा

विभिन्न जिल्लाका सिडिओहरुको सरुवा

शुक्रबार, पुस ३, २०७७ बागेश्वरी पोस्ट

गृह मन्त्रालय

काठमाण्डौ । गृह मन्त्रालयले विभिन्न जिल्लाका सिडिओहरुको सरुवा गरेको छ । गृहले प्रमुख जिल्ला अधिकारी ( सिडिओ ) सहित अध्यागमन अधिकृत, सहसचिव र उपसचिव गरी १८ जनाको सरुवा गरेको छ । आज गृहमन्त्री स्तरीय निर्णय अनुसार उनीहरुलाई पदस्थापन, सरुवा तथा काज सरुवा गरिएको हो । मन्त्रालयले दिएको जानकारी अनुसार गृह मन्त्रालयका सहसचिव ढुण्डीप्रसाद निरौलालाई ललितपुर, धनकुटाका सिडियो केशवप्रसाद विमलीलाई महोत्तरी, गृहका सहसचिव वासुदेव दाहालाई धनकुटा, रामेछापका सिडिओ रुद्रादेवी शर्मालाई गुल्मी, पाँचथरका सिडिओ अर्जुनकुमार शर्मालाई रामेछापको सिडियोमा र खोटाङका सिडिओ शालिग्राम शर्मा पौडेललाई गृह मन्त्रालयमा सरुवा गरिएको छ । ललितपुरका सिडियो नारायणप्रसाद भट्ट सचिवमा बढुवा भएर बाग्मती प्रदेश कार्यालयमा पठाइएकाले निरौलालाई ललितपुरमा सरुवा गरिएको हो । यस्तै महोत्तरीका सिडिओ कृष्णबहादुर कटुवाललाई कारागार कार्यालय झुम्का, सुनसरी पठाइएको छ भने भोजपुरका सिडिओ वसन्तराज पुरीलाई इलाका प्रशासन कार्यालय उदयपुरको कटारी पठाइएको छ । अध्यागमन कार्यालयका वरिष्ठ अध्यागमन अधिकृत कृष्णप्रसाद भण्डारीलाई भोजपुरको सिडिओ, गृल्मीका सिडियो भरतकुमार शर्मालाई गृह मन्त्रालय र डोल्पाका सिडिओ सुरेश सुनारलाई अध्यागमन कार्यालयमा सरुवा गरिएको छ । गृह मन्त्रालयका उपसचिव माधवप्रसाद ढकाललाई डोल्पा, मृगुका सिडिओ कृष्णकुमार निरौलालाई सिरहा र गृह मन्त्रालयका उपसचिव मित्रलाल शर्मालाई खोटाङको सिडियोमा सरुवा गरिएको छ । इलाका प्रशासन कार्यालय कटारीका उपसचिव चन्द्रबहादुर सिवाकोटीलाई मुगु, गृह मन्त्रालयका उपसचिव पुण्यप्रसाद ढकाल र जयराज भण्डारीलाई क्रमशः पाँचथर र तेह्रथुमको सिडिओ तथा तेह्रथुमका सिडिओ विश्वराज न्यौपानेलाई गृह मन्त्रालयमा सरुवा गरिएको जनाइएको छ ।

प्रकाशित मिति: शुक्रबार, पुस ३, २०७७ २०:५४

प्रतिक्रिया दिनुहोस्